Opinión

Arroutadas do ambiente

*SALVE RADIO GALEGA!


Un artigo de Adela Figueroa Panisse (09/01/2006)

De viaxe, no meu coche veño de escoitar a Xurxo Souto, no seu ameno "aberto por reformas", anunciando a nova programación da nosa radio. ¿Nosa?. Confeso que até de agora non a sentia como tal.

A única xustificación de que nos gastemos unha boa chea de diñeiro en Radio e Televisión de Galiza, supoño eu que será a da elaboración das noticias desde Galiza, o cultivo da nosa cultura, da nosa lingua, e en fin de todo aquelo que reafirme a nosa identidade como País.

Despois de oir a Xurxo Souto, podo decir: ¡Sexades ben vindos! Benvinda a fermosa lingua, coas sua sete ou mais vogais. Benvinda a música, esquecida (ou ocultada) da que somos un país tan rico e variado. Benvinda a ciencia en galego. Benvinda a cultura, en galego. Benvinda a criatividade inmensa que apenas alviscábamos mas que, estaba ahí minusvalorada ou silenciada. Benvindos por fin ao agromar dunha sociedade normal que se acepta a si mesma e que, finalmente, aprenderá a quererse e respetarse.

Diremos lle por fin adeus á diglosia , ao galego de 5 vogais castellanizado, ao mimetismo informativo, ao desdebuxamento da nosa Terra . A ignorancia de Portugal como prolongación cultural e lingüística, a nosa Europa mais próxima?

Agardamos, coa nova Radio Galega, mil primaveiras mais para a nosa lingua e a nosa cultura.

Ánimo a todos os que estades comprometidos nesa empresa. Amalia, Pepe, Xurxo...Coñecedes o valor educativo e cultural que teñen os medios de comunicación. Que esta capacidade serva para coñecérmonos mellor, condición indispensable para facer de nos mellores cidadans, comprometidos có noso País e solidarios con os demais. Non ensalzo a soberbia, mas si o orgullo de pertencer a un povo con historia e cultura propias tan digna como a de calquera outro. O que non ten ren, nada pode dar. Reinvindico a nosa capacidade de compartir desde a nosa realidade de sermos.

Adiante. Saúde e Terra.

Voltar a Opinión
Ir á Portada