Opinión

*PXOM ou PXE(speculación)?


Un artigo de Fernán Xosé Mourenza. (21/03/2006)

Despois de ollar, por riba, o polémico PXOM do Concello de Lugo, un non deixa de se preguntar cara onde nos quer levar a política de pólvora e tamboril do actual Equipo de Governo na Institución Pública Local -v. gr. o Excmo. Concello de Lugo e o PSOE de G- que en definitiva, debe velar e representar -como moi ben fai alardes e predica o seu prócer, o Pater Orozco- por e mais dos intereses presentes e futuros de todas e todos nós, a cidadanía.

Craro está que diante cuestións coma o incremento orzamentario en postos de confianza e a desaparición de todo tipo de servizos básicos, xa nos imos achegando á resposta. Un non deixa de sentirse impotente e cabreado porque, por un ha banda tiñamos a actitude prepotente e reaccionaria en todo tipo de cuestións por parte do PP, impulsor a mantenta do retroceso vertixinoso deste noso Concello. E agora, por outra, a actitude do chisporroteo do PSOE de G en Lugo, pasando de todo, deixando facer aos poderosos e non mudando en nada o erdado "estado de cousas", en definitiva, máis do mesmo. Nomeio das dúas feras, o BNG que fai o que pode e que fai pouco por non contar co respaldo dunha cidadanía enganada polo efecto meiático e de promesas e mentiras dun parlanchín.

Algué se pregunta hoxe porque o Concello tiña vida e medraba cando governaban BNG e PSOE e agora semella unha tiranocrácia?. Agardo respostas!. O certo é que este Plan, que xa chega tarde, faise mal e a rastras co gallo de servir a unha única finalidade: seguir a colonizar e deshumanizar este Concello arramblando con toda pegada da Nosa Cultura, con todo espacio verde -protexido ou non-, con todo espacio que atenda a fin de caráter dotacional -sanidade, benestar social, cultura, deporte, ocio, esparcimento, et c-e dirixindo a propia filosofía do PXOM cara a máis pura e dura especulación dos constructores. É que, caramba, xa se sabe, con tanto obreiro...:pois, obras!.

A realidade veleí a está, eí a temos, compre que xermolen por todo Lugo, auténticos recunchos -cartos para a especulación-, moles de edificios adornando as espléndidas ruas de formigón, cemento e alcatrán, a xeito de cuarteis ou galiñeiros e reducir -mellor, eliminar- todo tipo de espacio que non serva a estas fins. O motivo -derivado do proceso anterior- está ben craro e nen ten que ver nen co nível nen coa calidade de vida da cidadanía. Trátase dunha pura fórmula matemática para reducir gastos de mantenemento destes espacios -de grandísimo interese social- e, ao mesmo tempo, co medre da construción, de xerar ingresos nos fondos municipais como froito do incremento dos impostos directos e indirectos, plusvalías, auga, sumidoiros, vados, traídas, levadas, lixo, etc. Por certo, outra promesa incumplida: a planta de compostaxe, mellor apostar por SOGAMA. Xa se nos pasará a correspondente factura para a que non teremos con que pagar, estas cousas, disque non teñen reposto, mesmo coma os achádegos arqueolóxicos ou calquer atisbo do que é a Nosa Cultura. Será que o Sr. Orozco sente nas súas carnes a docencia de Paco Vázquez e ten vocación de "la curuñite crónica". Ogallá que a el non o teñan que desterrar ao Vaticano coma ao seu mestre!

Onde quedan daquela -digo eu-, as súas promesas feitas en periodo electoral e en qué se ven materializadas?. O certo é que nós, cidadás e cidadáns de Lugo, algo teremos que dicir e facer ao respecto porque se permitimos esta barbaridade de PXOM, seremos complices e culpábeis por igoal, con esta "trapallada pesoil ou orozquiá"; máis outra. Para daquela non ha valer chorar, o mal xa estará feito e non haberá remedio nen solución. Eu, non quero ser nen culpábel, nen miserábel e vós???.

(c) Fx 20/03/06

Voltar a Opinión
Ir a Novas