Opinión

Ligazóns patrocinadas:
adiestramiento de perros

*Por qué un novo Estatuto?


Un artigo de Fernán Xosé Mourenza. (27/06/2006)

Nos derradeiros anos, vense falando moito da cuestión do Estatuto. Ocorre que cada vez, as posturas, se visualizan máis nídias. Deste xeito, o PP de G confórmase únicamente coa revisión do até o de agora existente. O PSOE de G prantexa-na súa liña-algo novo pero de mínimos e que sexa perfectamente coxunctural coa unidade territorial do estado español obviando calquer tipo de dereito fundamental lexítimo. O BNG amosa non só unha proposta de país, pensado desde e para as galegas e os galegos senon que ademáis, é a única proposta anovada na súa integridade e elaborada artigo a artigo, pasando por todos os títulos e apartados e desgaxando cada un seu nível de exixencias en función das novas necesidades dun pobo, xa de por si, discriminado polas correlativas e alternantes políticas do estado español exercidas sobre este noso país galego.

Desde Galiza, precísase con forza e collendo a tixola pola man, efeitivizar un "prego de condicións" co estado e os outros países e comunidades autónomas que o conforman que nos outorgue a condición de igoais en lexitimidade e dereitos; Galiza non pode seguir sendo a cincenta deste despropósito estatal a xeito de conto de fadas, non pode seguir a ser a terra de ninguén.

O Estatuto de nazón, vai ser o medio a empregar para que se nos outorguen esas moreas de dereitos e oportunidades que até agora, se nos teñen vetado e que nos teñen relegado a ser un país anecdótico ou como moito de terceira.

O Noso País Galego é rico, posúe recursos tanto humáns coma materiais, só precisa que uns e outros se poñan en marcha ao aveiro dun marco político-legal que lle afiancea lexitimidade precisa como para non ter que seguir a camiñar no seu proceso histórico sempre, baixo a titorización do estado español. Non é agora xa o intre de máis control, agora toca que se nos dé o que por dereito e por débeda histórica, nos corresponde, de que se nos deixe vivir ao noso xeito, Galiza ten acadada a súa maioría de idade democrática e social, non precisa vixiantes da súa honra, precisa liberdade de acción e que se lle dé o que lle corresponde por dereito, por xustiza.

O asunto é máis doado do que a simple vista parece: é unha simple cuestión política e social que leva engadida outra con peso específico e que, en realidade manca o amor propio do estado español, nen máis nen menos que a cuestión económica. O medo non é a disolubilidade do estado español como uno y no cincuenta y uno, non, iso é a xustificación mais, o que se agocha detrás desa falacia é a cuestión económica. Ao estado, non lle importa recadar os fondos pero, o que non quere é ter que distribuílos despois dun xeito equitativo coas nacións e comunidades que o conforman. Iso evidénciase moi ben nas comparanzas que os partidos estatais fan de cuestións como cando en economía mundial se pon por referente a Alemaña -en Europa- ou aos EE.UU.; pois ben, un e outro, son estados conformados por diversas nacionalidades ou subestados. Daquela porqué PSE e PP, non falan tamén desta cuestión e de como esas potencias teñen distribuída a súa riqueza neste senso?. Evidentemente, estamos a falar dunha cuestión de límites si, pero non como meras demarcacións xeograficas non, senon de límites de carácter puramente económica. E aí, é onde o BNG e a súa política económico-social e de esquerdas pensada desde e para Galiza, se desmarca de PSOE e PP que veñen a manter esquemas economicistas moi similares. E porqué será?. Cecais porque a uns e a outros Galiza impórtalles tres pitos de papel non sendo para cotizar e engordar as arcas da facenda española iso, a teor da falla de investimento neste Noso País, xunto con outras cuestións que cada quen de nós sabemos.

Veleí a relevancia dun Estatuto para Galiza, pero non un Estatuto calquera senon, un Novo Estatuto axeitado aos tempos e ás necesidades específicas do País, en definitiva, de todas e todos nós; galegas e galegos. E o certo, é que non deberiamos pasar por menos.

(c) Fx 24/06/06 "Lume novo/06"

Voltar a Opinión
Ir a Novas