Opinión

Arroutadas do ambiente

*Dazaoito de xullo.69 anos despois


Un artigo de Adela Figueroa Panisse (18/07/2005)

A todos aos que lles foi tirada a vida por defenderen a democracia.

A data do 18 de Xullo é de triste memoria para a maioria dos españois. Marcou o dia en que o estado de dereito, a legalidade baseada na consulta e vontade popular foi sustituida pola orde baseada na forza das armas. Marca o dia en que o mellor e mais florido da sociedade foi sacrificada para dar exemplo, diante da atemorizada población, coa morte ou có exilio forzoso para aqueles que lograron fuxir daquele inferno que se dasatou no que irmas, veciños ou amigos empuñaran as armas contra irmans, veciños ou antigos amigos. Lembremos apenas, para dármonos unha pequena idea do que aquelo significou, as palabras que Millan Astray, un daqueles xenerais sublevados, pronunciou na Universidade de Salamanca, frente a Unamuno:“Viva la muerte.Abajo la inteligencia” . Abriase así a “longa noite de pedra” que ia durar mais de 40 anos e que sumiu a Galiza, na incultura, no atraso económico e na ignorancia de si mesma e da sua propia historia.

Este 18 de Xullo, en Galiza, comeza un novo parlamento formado polas persoas eleitas pola vontade popular. A conformación deste, permete que as forzas de esquerda, PSOE e Nacionalistas galegos, Bloque Nacional Galego poidan formar un governo de coaligazón, despois de que durante 16 anos estivesen governado este País as forzas da dereita, presididas por un ex ministro Franquista, herdeiro, por tanto daqueles terribles tempos que referimos mais acima . Non foi unha victoria mui sobrada mas tamén sabemos que non foi facil romper a inercia do sistema caciquil que basea o poder na duplicidade da dádiva e do temor.

Agora ábrese un tempo novo. Ningún dos persoeiros do futuro governo da Galiza teñen nada que ver con aquela triste etapa da historia da España, en que os privilexios pertencian aos “afectos ao rexime”, e na que toda disidencia era afogada pola forza.

Un novo 18 de xullo que, sen que esquezamos o pasado para aprendermos dos seus erros, abre un tempo novo, de promesas, de liberdade, de progreso e de autoestima, para os que cremos en Galiza como País.

Que asi sexa. Agardamos que os novos governantes poidan levar a diante os seus programas polo ben de toda a cidadania.

Voltar a Opinión
Ir á Portada