Cinema
Sección coordinada por Bruño Fraga Bugallo

*O Cineclube de Compostela presenta, por primeira vez en Galiza "Raymundo"
• O filme é a ópera prima dos cineastas Ernesto Ardito e Virna Molina


Redacción 16 de xaneiro de 2007 O vindeiro mércores 17 de xaneiro ás 22:00 horas proxéctase no Cineclube de Compostela o filme documental "Raymundo", realizado na Arxentina en 2002 por Ernesto Ardito e Virna Molina. A longametraxe está dedicada á figura de Raymundo Gleyzer, cineasta arxentino, realizador de filmes revolucionarios na clandestinidade antes da ditadura de Videla, e militante do partido marxista PRT-ERP, que foi asasinado en 1976 pola Triple A (Alianza Anticomunista Arxentina).

Sobre Gleyzer afirman os realizadores do documental: "En vida, Gleyzer foi un dos principais referentes do cinema combativo e militante, e logo da súa "desaparición" quedou no máis escuro dos esquecementos para a sociedade. Este documental busca devolver o que a CIA e as ditaduras latinoamericanas non puideron destruír: a memoria, os ideais e o valor da verdade".

Cineclube de Compostela
Local Social O Pichel (Santa Clara, 21)
Mércores, 17 de xaneiro, 22:00
Raymundo (Ernesto Ardito e Virna Molina, Arxentina, 2003, VO)

Voltar a Cinema
Ir á Portada