Contacto
*A Garda Civil apresa un buque luso
O Carlos Cunha debera abonar 30.000 €
Costa de Pontevedra 30 de decembro de 2006 O día 27 de decembro unha das patrulleiras da Garda Civil do Mar apresa en plena faena ao buque pesqueiro Carlos Cunha, de bandeira lusa, dentro do mar territorial do estado español, a tres millas náuticas da Illa de Onza, do Parque Nacional das Illas Atlánticas.
O buque luso viola claramente o “Acordo do Minho”, o cal lle autoriza a pescar até 6 millas ao norte da fronteira galego-lusa dentro do mar territorial do estado español, encontrándose no momento do apresamento a 29 millas, segundo as fontes do Ministerio de Agricultura, Pesca y Alimentación de España.
O buque presuntamente desconectou os seus sistemas de seguimento o que dificulta a descrición da súa derrota no transcurso da marea, pero este xa estaba sendo seguido polo Centro de Seguimento de Pesca que informou dos movementos á Secretaría Xeral de Pesca Marítima, que finalmente decide ordenar o seu apresamento.
O pesqueiro apresado foi conducido ao porto de Marín, onde trala inspección do buque, instrumentos e aparellos determinouse que realizou labores de pesca en augas territoriais do estado español de forma ilegal. A Secretaría Xeral de Pesca Marítima imponlle unha fianza de 30.000 € .
Voltar a Marítima
Ir á Portada
Ver Anteriores