|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
Mesa pide que Radio Galega Música se especialice en música
en galego e en portugués
Redacción
30 de outubro 2005
O Presidente da Mesa
pola Normalización Lingüística, Carlos
Callón, mantivo un encontro co director da Radio Galega,
Virxilio Costas, no que se abordou o papel da emisora autonómica
no proceso de extensión social do galego e da súa
conversión en “lingua de prestixio”. Ambos os
dous coincidiron en situar a Radio Galega como un instrumento útil
e eficaz para a normalización do idioma propio.
Callón,
ademais, defendeu nesta entrevista que se reformule Radio Galega
Música, que emite xa analoxicamente, para que pase a
retransmitir só música en galego e portugués,
así como programas especializados en música galega e
dos países de lingua portuguesa. Esta decisión non
tería custo ningún para a emisora autonómica,
mais suporía un ben cultural moi importante para a
comunidade. Hai que ter presente que nestes momentos a Radio
Galega ten unha emisora, Son Galicia Radio, que programa as 24
horas do día música en galego, mais faino unicamente
a través de internet e da Radio Dixital, o cal dificulta
moito a súa difusión social nestes momentos.
A
Mesa considera tamén que todas as persoas en nómina
da Radio Galega, sexan presentadores, tertulianos ou opinadores,
deben expresarse sistematicamente en galego ante os seus
micrófonos. Débese terminar coa práctica de
contratar a “opinadores” foráneos que
descoñecen o galego, así como co cambio de lingua
por parte de algúns presentadores cando entrevistan a
persoas de fóra de Galiza.
Virxilio
Costas mostrouse receptivo ás propostas da Mesa, que
estudará co equipo directivo da radio autónomica.
Ademais, A Mesa e a Radio Galega observarán tamén
outras posíbeis vías de colaboración no
obxectivo compartido de impulsar a lingua galega.
Voltar
a novas
Ver
anteriores
|
|