|
Publicidade
Contacto
Novas
Internacional
Opinión
Arquivo
Ligazóns
Anteriores
|
*O
BNG apresenta un escrito ante a Xunta Eleitoral de Galiza para que
se estremen as garantías de limpeza na emisión do
voto emigrante
Redacción,
30 de maio
2005. Os residentes ausentes son o 13,23 por cento do
censo galego e non existen a día de hoxe suficientes
garantías que aseguren a pureza do proceso. O Bloque
Nacionalista Galego
vén de apresentar un escrito perante a Xunta Eleitoral de
Galiza para que se estremen as garantías de limpeza na
emisión do voto dos residentes ausentes.
En
opinión do BNG, a Administración Eleitoral debe
tomar medidas efectivas para garantir o carácter libre,
secreto e directo do voto emigrante. Do contrario, ábrese
unha ampla marxe á manipulación do voto e a fraude
eleitoral, asunto de enorme importancia se temos en conta que os
residentes con dereito a voto nestas eleccións ao
Parlamento de Galiza son 304.660, o que equival ao 13,23 por cento
do censo galego.
Entre
outras cousas, o BNG pide que se exixa como garantía de
validez dos votos emitidos desde o exterior que os envíos
postais teñan o carácter de “certificado”
e que se comprobe fidedignamente que non hai unha reiteración
do tipo de letra nos envíos, a fin de descartar a
existencia de envíos masivos (isto é, que unha soa
persoa vote por varias).
O BNG demanda asemade que
desde o Ministerio de Exteriores se dean instrucións ás
embaixadas e consulados para o persoal ao seu servizo vixiar os
actos contrarios á lexislación eleitoral “e
dean traslado das irregularidades que poidan detectar á
Administración Eleitoral”. Tamén se interesa o
Bloque Nacionalista Galego porque se garanta a custodia dos sacos
postais que conteñen os votos procedentes do exterior por
parte da Administración eleitoral.
O BNG considera
que a actual lexislación non é suficientemente
garantista á hora de asegurar a limpeza do proceso. De
todos xeitos, pensa que a Administración Eleitoral tampouco
utilizou até agora todos os mecanismos ao seu alcance para,
no posíbel, minimizar as irregularidades que se veñen
detectando na emisión do voto emigrante.
O BNG
entende que a equiparación dos direitos eleitorais dos
emigrantes a respeito dos residentes no país só
será posíbel mediante a reforma, que os
nacionalistas galegos xa teñen proposto no Congreso nesta
mesma lexislatura, da Lei Orgánica do Réxime
Eleitoral Xeral.
Infelizmente, nen PP nen PSOE apoiaron no
seu día, no debate en Pleno, a proposta de reforma do BNG
desta lei, iniciativa que pretendía que o exercicio do
direito de voto no exterior se materializase nas mesmas condicións
que no país, isto é, voto en urna, en colexios
eleitorais e con interventores, e non mediante un proceso de voto
por correo sen nengún tipo de control sobre a identidade da
persoa que o emite.
Escrito
apresentado polo BNG ante a Xunta Electoral
Voltar
a novas
Ver
anteriores
|
|