*A CIG denuncia a actuación policial contra mozos e mozas que protestaban pola política de emprego do PP no Galiemprego

Redacción, 29 de abril 2005. O evento é un acto electoral do PP montado como parte da campaña de Fraga.

A Confederación Intersindical Galega denuncia a actuación policial contra uns mozos que protestaban pola política de emprego do Partido Popular no acto de inauguración de Galiemprego. A resposta das forzas policiais demostra que Fraga non está disposto a aceptar que ninguén cuestione a súa política, nin de emprego, nin calquera outra e que para iso, está disposto a recorrer a calquera tipo de medida represiva.

A CIG denuncia tamén que mentres o goberno do PP gasta miles de euros nestes eventos publicitarios para vender a súa inexistente política de emprego, “centos de mozos e mozas teñen que marchar á emigración para poder atopar un traballo mentres Manuel Fraga sae na foto en actos propagandísticos como este”.

A política de Fraga canto a creación de emprego resúmese en manipular as estatísticas, prometer pleno emprego, cando non conseguiu reducir o desemprego existente nin frear a lacra migratoria que padece Galiza, e en celebrar festas e demais eventos.

RELACIONADO:
*Galiza Nova demanda máis emprego e menos propaganda no Galiemprego
*Os CAF denuncian o acontecido no Galiemprego

Voltar a novas

Ver anteriores