*Os CAF denuncian o acontecido no Galiemprego

Redacción, 29 de abril 2005. Os Comités Abertos de Faculdade (CAF) queremos denunciar os feitos acontecidos esta mañá na feira de Galiemprego no pazo de congresos e exposicións.

Varios membros dos CAF e Galiza Nova interviron na sesión inaugural de Galiemprego para reclamar “máis emprego e menos propaganda” ao goberno da Comunidade Autónoma Galega. A protesta foi duramente reprimida pola Policía Española e os escoltas personais de Manuel Fraga, que identificaron a todas e todos os participantes e detiveron arbitrariamente a varios militantes, nunhas imaxes que foron censuradas no telexornal da TVG apesar de recoller a noticia nos teletipos da súa páxina web.

Actualmente permanece retido un compañeiro de 18 anos na comisaria da Policía Nacional de Compostela, na rúa Rodrigo de Padrón.En solidariedade con este compañeiro e en exixencia da súa inmediata liberación, os CAF e Galiza Nova ,organizacións na que participa o mozo, convocan unha concentración urxente para ese mesmo día, ás 20:00 na Alameda de Santiago. Varios diputados nacionalistas xa se interesaron pola súa situación, sen que até o momento poidamos saber máis que o motivo da súa detención: unha suposta “agresión” a un policía que se tería ferido nun dedo. No entanto, foron varias as persoas contusionadas pola policía que se achegaron ao hospital a solicitar unha exploración médica.

Dende os CAF non podemos quedar calad@s ante estes feitos e esiximos a posta en liberdade sen cargos do noso compañeiro.

RELACIONADO:
*Galiza Nova demanda máis emprego e menos propaganda no Galiemprego
*A CIG denuncia a actuación policial

Voltar a novas

Ver anteriores