|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Galiza
Nova Compostela convoca un acto contra a precariedade laboral este
xoves ás 12 da mañá no servizo galego de
colocación
Redacción
29 de marzo 2006 A
organización xuvenil Galiza Nova, este xoves realizará
unha acción de denuncia, onde os mozos e mozas irán
até o servizo galego de colocación, ao carón
do Parlamento galego no Hórreo, con maletas e mochilas,
como denuncia pola precariedade laboral para a mocidade galega que
se ve na obriga de emigrar.
Este
acto, que será tamén unha representación
irónica do que moitas persoas viven día a día
quere ser tamén un xeito de pedir e reclamar ante a
eminente elaboración dun Estatuto de nación para
Galiza a inclusión dás competencias exclusivas en
materia laboral.
Galiza
Nova considera que Galiza ten que ter voz propia e poder decidir
sobre o seu mercado laboral (actualmente un dos máis
precarios e con maiores índices de riscos laborais do
Estado) tanto nas areas lexislativas como nos apartados de
procedementos laborais.
Para iso reclaman que se cree un
marco galego de relacións laborais, e que este sexa
desenvolvido cos distintos axentes socias implicados, para dar un
cambio radical a situación da nosa mocidade e en xeral do
pobo galego. Que apareza recollido no novo Estatuto, como xa se
avanza na proposta do BNG, que a cidadanía galega ten
dereito a traballar no seu país.
Por iso, a primeira
parada desta acción será no Servicio Galego de
Colocación, xa que actualmente este servizo fomenta a
precariedade, a inseguridade laboral, a mobilidade, e a
temporalidade no noso pais, indican. Este grupo de mozos e mozas
como seguinte paso acudirán até unha das numerosas
empresas de traballo temporal que hai na cidade compostelá,
para denunciar tamén o papel que xogan estas empresas, que
se lucran co dereito ao traballo, aseguran e para rematar acudirán
á parada do ensanche do autobús que vai ao aeroporto
de Lavacolla, para denunciar que en moitos casos se da coma única
saída para a mocidade a emigración; unha solución
que rexeitan, e polo que queren que se visibilicen outras saídas
e propostas para a situación de precariedade da
mocidade.
Voltar
a novas
Ver
anteriores
|
|