*Tregua en Bolivia

Redacción, 27 de maio 2005. Onte o presidente Carlos Mesa, deixou entrever que decretaría a convocatoria á Asemblea Constituinte. As presións da dereita fixerono desistir e o seu ministro de Goberno terminou aludindo a unha conxura para derrocar ao goberno. En tanto, hoxe, os movementos sociais deron unha tregua en virtude da celebración do Corpus Christi.

Na tarde de onte fontes gubernamentais revelaron que o presidente Mesa daría a coñecer un decreto de convocatoria á Asemblea Constituinte. Máis que un rumor isto transformouse nunha realidade, xa que se citou aos xornalistas para realizar un anuncio trascendental. A posibilidade da convocatoria á “Constituinte” motivou que os sectores da dereita atacaran ao presidente. Luís Eduardo Síles, voceiro do MNR, expresou que “Concluiu a era da democracia en Bolivia se o que xunta máis xente impresiona ao títere de Presidente que temos, como para facerlle aprobar o que sexa", ao mesmo tempo, un representante dos autonomistas, o presidente do Comité Cívico de Tarija, Francisco Navajas, advertiu que esta decisión precipitada era "un novo desacerto do Presidente que polarizará aínda máis ás rexións do país".

O ministro de Gobierno José Galindo foi o protagonista da conferencia de imprensa onde afirmou que existiu a idea de convocar á Asamblea Constituinte vía decreto, pero que a decisión de facelo debía de tomarse previo consenso “cos dous extremos do problema”. É dicir o pobo e as oligarquías ligadas ao imperialismo. Galindo foi máis alá aínda e referindose ao presidente dixo que este non tomaría parte nesta coxuntura senon como árbitro. Poñendo a Carlos Mesa a xogar o papel dun Bonaparte degradado, o ministro dixo: "O Presidente non debe de ser parte do problema. Pretende ser un pai que resolva a desputa entre os seus fillos". A continuación o ministro sostivo que o goberno é vítima dunha conxura e culpou a sectores sindicais – sen aclarar cales- de receber cartos de sectores conservadores –tampouco aclarou cales eran.

Como adoita pasar nestos casos as críticas sobre o Poder Executivo choveron pola esquerda e pola dereita.

Tregua e pronunciamientos

O "Pacto de Unidade" que nuclea ás organizacóns labregas, indíxenas, sen terra, colonizadores, mulleres do agro, docentes e outras do movemento social boliviano acordaron unha tregua para onte xoves, respectando as celebracións relixiosas de Corpus Christi.

Sen embargo antonte, a movilización popular extendeuse ás cidades de Cochabamba e Sucre. En Cochabamba, propúxose a toma do Comité Cívico e da Refinería Gualberto Villarroel, pero a renuncia intempestiva do líder da entidade cívica postergou a acción e en Sucre os manifestantes enfrontáronse coa policía nas inmediacións da praza central da cidade.

Nesta crise, aínda sen ter un papel activo, as Forzas Armadas Bolivianas que teñen un rol importante na vida de Bolivia, foron o único sostén que ten Carlos Mesa para manterse no goberno. Non embargante na fin de semana existiron rumores de golpe de Estado, que foron desmentidos polas cúpulas militares. O que non puideron ocultar os xenerais foi a proclama dada a coñecer polo grupo autodenominado "Movimiento Militar Generacional", encabezado polos Tenentes Coroneies Julio Cesar Galindo y Julio Herrera. Os militares expresáronse a favor “da renuncia do Presidente Carlos Mesa, rexeitando a sucesión constitucional; o peche do Parlamento, a convocatoria inmediata da Asemblea Constituinte, a conformación dun pacto civil-militar para dirixir ao país ligando aos militares á defensa dos intereses nacionais, a nacionalización dos hidrocarburos, e o rexeitamento ás autonomías reclamadas polas oligarquías de Tarija e Santa Cruz". O xeneralato, restou importancia a esta proclama e estuda a posibilidad de sancionar aos dous tenentes coronel.

O dirixente da Confederación Sindical Única de Traballadores Campesinos de Bolivia (CSUTCB), Román Loayza afirmou: "Rexeitamos todo intento de golpe de Estado, veña de onde veña. O noso movemento é para fortalecer o sistema democrático, pero tamén para defender a unidade e integridade nacional. Os máis de 5 mil marchistas permaneceremos n'A Paz pero con accións pacíficas. Se nos provoca a policía imos reaccionar”. E Evo Morales dixo que "As forzas armadas teñen a tarefa de defender o territorio nacional, de evitar a división de Santa Cruz, se non o fan demostrarán que só serven para matar indios e obreiros".

Fontes: Axencia Walsh, Bolpress, Econoticias Bolivia, Prensa Latina

Voltar a novas

Ver anteriores