|
Publicidade
Contacto
Novas
Internacional
Opinión
Arquivo
Ligazóns
Anteriores
|
*Quintana
replica a Fraga que o único insolidario é el porque
veta para Galiza o novo estatuto que o PP negocia en
Valencia
Redacción,
27 de maio
2005. Apresenta
en Vigo as propostas nacionalistas en materia educativa e
deportiva.
O portavoz nacional do BNG
e candidato á presidencia da Xunta, Anxo
Quintana, replica ao candidato popular, Manuel Fraga, que el é
“o campión da insolidariedade con Galiza”
porque lle nega a este País o que o PP concede a outras
partes do Estado.
“Insolidario é Fraga porque
aquí négase a debater no Parlamento para sacar
adiante un novo estatuto de nación mentres que en Valencia
o Partido Popular negocia un novo texto co PSOE. O que o PP lle
permite a Valencia négallo a Galiza”. E non é
o único exemplo de insolidariedade citado por Quintana,
quen dixo que Fraga tamén fora insolidario cando estaba de
caza mentres os galegos e galegas loitaban contra a catástrofe
do Prestige e insolidario é contratar a unha empresa dos
seus amigos que ten a sede nun paraíso fiscal para sacar
tallada da crise das vacas tolas. “Isto si que é ser
insolidario con Galiza”. Quintana instou a Fraga, “o
candidato fantasma”, a que se ten algo que dicir a el ou a
BNG que acceda a facelo nun debate nos meios públicos para
que a cidadanía poida contrastar as propostas de cada un.
POLÍTICA DEPORTIVA
Quintana fixo
estas declaracións en Vigo ao inicio dun acto político
con diferentes colectivos para apresentar as propostas
nacionalistas en materia deportiva. Neste sentido, o BNG propón
a criazón dunha rede nacional de escolas deportivas en
colaboración cos concellos, “partindo da idea de que
hai que apostar polo deporte de base”; igualmente, o BNG
propón elaborar un plano de infraestructuras deportivas
públicas e privadas “para completar as deficiencias
que existen con racionalidade”. Democratizar as federacións
galegas, integralas nun órgao común, que Quintana
denominou Consello Galego do Deporte ou promover a proxección
internacional do deporte galego a través de seleccións
deportivas proprias foron algunhas das propostas salientadas polo
candidato nacionalista neste ámbito.
Voltar
a novas
Ver
anteriores
|
|