|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Jorquera
asegura en Xinzo que a proposta de Novo Estatuto do BNG busca “a
corrección das desiguldades territorais na
Galiza”
Redacción
27 de marzo 2006 O
BNG defende que Galiza teña competencias exclusivas en
materia de agricultura e gandaría. O Coordenador Executivo
do BNG, Francisco Jorquera, defendeu que a proposta de Novo
Estatuto de Nación “busca a corrección das
desigualdades territoriais” entre a Galiza interior e a
Galiza costeira, a través de políticas económicas
que favorezan o desenvolvemento dos nosos sectores productivos,
como a agricultura ou a gandaría.
Jorquera
fixo estas declaracións durante un acto público
celebrado este sábado en Xinzo da Límia, dentro da
campaña de presentación que está a levar a
cabo o BNG da súa proposta de Novo Estatuto para Galiza.
O
responsábel do BNG lembrou que un dos principios reitores
das políticas públicas da Administración
galega, tal como recolle a proposta de Novo Estatuto, debe de ser
a corrección das crecentes desigualdades entre as
provincias da Galiza interior –Ourense e Lugo-, máis
avellentadas, en proceso de despoboamento e cun escaso dinamismo
económico, e a Galiza costeira, máis urbana, poboada
e dinámica.
Neste sentido, considerou
“imprescindíbel” que Galiza poidan deseñar
a súa propria política económica para
desenvolver o noso sector agrogandeiro e completar no país
o ciclo productivo, xerando máis riqueza e emprego.
A
este respeito, Francisco Jorquera lembrou que o artigo 82 do
Estatuto que o BNG outórgalle á Administración
autonómica competencias exclusivas en materia de
“Agricultura e Gandaría, incluíndo a xestión
dos fondos europeos que nesta materia correspondan a Galiza e a
transposición das normas europeas de regulación dos
mercados correspondentes”. O texto estatutario tamén
incorpora a capacidade da administración galega de
participar nas decisións da UE que afecten aos sectores
económicos estratéxicos ou nos que ten competencia
exclusiva.
“Vivir e traballar na Terra ten que
ser un direito, e así o contempla a nosa proposta de Novo
Estatuto”, destacou o coordenador executivo do BNG.
Voltar
a novas
Ver
anteriores
|
|