|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Georgie
e as bolboretas gaña o premio Play-Doc 2006 na categoría
de longametraxes
Redacción
27 de marzo 2006 A
organización outorgou premio especial a Coco Schrijver e
mención especial a “Lesson from Bam”. A
longametraxe “Georgi e as bolboretas” de Andrey Paunov
de Bulgaria vén de gañar o premio na categoría
de longametraxes na segunda edición do Festival
Internacional de Documentais de Tui, Play-Doc.
O
xurado, integrado por Enrique Nicanor, Diego Mas Trelles, Antonio
Delgado, Eduardo Galán e Sandra Sánchez felicitou
aos organizadores “pola calidade da selección das
películas” que indican “deron ao festival un
nivel notable e excepcional” ao tempo que “fixeron
positivamente difícil a concesión dos premios
establecidos” segundo se recolle na acta.
“Georgie
e as bolboretas” ten coma protagonista a Georgie
Lulchev, director dun centro psiquiátrico búlgaro,
achegándonos unha historia de optimismo, entusiasmo e
fracaso. O premio está dotado con 2.000 € e un trofeo
deseñado para o festival polo escultor tudense Juan
Vázquez.
O premio na sección
Atlántico, dotado con 2.000€ e o trofeo Play-Doc, foi
outorgado a produción brasileira “A persoa é
para o que nace” de Roberto Berliner, quen presenta no
seu traballo a historia de tres irmás cegas que se
gañan a vida cantando “ganzá” nun dos
barrios máis pobres de Brasil.
Mentres
na categoría de curtametraxes o premio dotado con 1.000€
e trofeo recaeu en “Po Cud” dirixido por Jarek
Sz Tandera. Este documental polaco reflicte a viaxe realizada por
medio millar de discapacitados dende Polonia ata o Santuario de
Lourdes na busca dunha milagre.
O xurado decidiu outorgar
dúas mencións especiais a “Un mundo
marabilloso” de Coco Schrijver dos Países Baixos
que competía na categoría de curtametraxes e a
española “Retrato” de Carlos Ruiz
Carmona que se exhibiu na sección de longametraxes.
A
prestixiosa canle temática Documanía, que por
segundo ano participou activamente no festival, outorgou o seu
premio a produción israelí “A miña
pequena paz” de Eyal Avneri. Na mesma o protagonista é
Nadav un neno de 12 anos que tenta por fin ao conflicto
árabe-israelí con outros nenos da súa idade
tanto israelís coma palestinos. O premio neste caso
consiste no compromiso de compra por parte de Documanía dos
dereitos de exhibición e trofeo.
O último
galardón, o do concurso-taller Xpréssate en Tui’06
que organizan Avid Technology e Play-Doc, foi outorgado polo
público a Rubén Pardiñas polo traballo no que
desdramatiza os problemas territoriais co proxecto “Fronteiras”
centrándose na fronteira Galicia Asturias.
Premio
da organización para “Lesson from Bam” e “Un
mundo marabilloso”
A organización
do Festival Internacional de Documentais, Play-Doc, outorgou por
unanimidade dous premios especiais. Por unha banda quixo premiar o
traballo presentado en Play-Doc “Un mundo marabilloso”
de Coco Schrijver de Holanda. Por outra premiou
cunha mención especial o documental “Lesson from Bam”
de Alireza Ghanie.
A gala de entrega premios tivo lugar
onte á tarde no Teatro Municipal de Tui coa presenza do
Director Xeral de Comunicación Audiovisual, Manuel José
Fernández Igrexas, o tenente de Alcalde e concelleiro de
Cultura, Moisés Rodríguez. O acto foi presentado por
Blanca Cendán quen ademais protagonizó dous números
musicais.
Voltar
a novas
Ver
anteriores
|
|