|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Políticos
e académicos de Suiza e do Estado español
participarán en dous seminarios en Berna sobre
“Globalización e identidades nacionais”no que
estará Anxo Quintana, entre outros
Redacción
26 de abril
2006 O Kursaal de Berna acolle o
próximo 29 de abril un seminario co título
"Globalización e identidades nacionais",
organizado pola Fundación Debate, que preside a profesora
Judit Veiga, no que se darán cita destacados políticos
e académicos de Suiza e do Estado español, Anxo
Quintana, Vicepresidente da Igualdade e do Benestar da Xunta de
Galiza , Joan Saura, Conseller de Relacions Institucionals i
Participació da Generalitat de Catalunya, Juan Manuel
Lacruz, Prof. Titular de Dereito Penal UNED, membro do Instituto
de Altos Estudos Europeos e do Observatorio para a Inmigración
na Unión Europea, a profesora Monica Budowski, Catedrática
de Traballo social, Políticas sociais da Universidade de
Friburgo e Antón Losada, Secretario Xeral e de Relacións
Institucionais da Xunta de Galiza.
Esta nova actividade da
Fundación Debate intégrase nun ciclo de dous
seminarios que engloban temas tan importantes e interrelacionados
como a globalización, as identidades nacionais, a
“Multiculturalidade e integración”, título
do segundo seminario que se realizará o 13 de maio no
conservatorio de Berna.
Nos actuais tempos de
globalización e multiculturalismo, chégase á
idea dunha identidade colectiva e planetaria como froito da
convivencia de todas e todos con todos. A globalización
ofrece a oportunidade de dialogar a todos os niveis, a
multiculturalidade permite un intercambio, un enriquecimiento
recíproco sen precedentes. Temos “a obriga
inexcusábel de pensar globalmente” (Amelia
Valcárcel)? É válido o modelo actual de
globalización ou é “unha forma de integración
económica internacional en particular, que os "amos do
universo" estabelceron en función dos seus propios
intereses, facendo que os intereses da poboación en xeral
convértanse en secundarios” (N. Chomsky)? Que
significado teñen as identidades nacionais nun mundo
globalizado?, até que punto teñen sentido?, que
representan políticamente?, como poden manterse e até
cando poderán manterse?
Por outra banda, que
medidas teñen que tomar os gobernos e que actitudes debe
tomar a cidadanía para intentar conseguir ensamblar dous
escenarios tan diferentes como o son a internacionalización
do comercio, finanzas, tecnoloxía, comunicacións,
coordinación macroeconómica, novas relacións
políticas internacionais e a integridade multicultural, co
xurdimento de novos nacionalismos e afianzamiento dos xa
existentes?, poderemos, grazas á educación e a
políticas integradoras, así como a través da
concienciación, o respecto e a tolerancia, conseguir
sociedades multiculturales cunha convivencia en harmonía
estábel?, que avances fixo o Estado español e que
sistemas ten Suiza en materia de multiculturalidade?
Ao
longo de dous días, notábeis personalidades
académicas e políticas expoñerán os
seus estudos e puntos de vista respecto destas cuestións en
senllos seminarios, organizados pola Fundación Debate, que
conta coa colaboración coa Fundación Menuhin España
e o seu Proxecto MUS-E e o Conservatorio de Berna, así como
co apoio da Embaixada do Estado español.
Voltar
a novas
Ver
anteriores
|
|