|
Publicidade
Contacto
Novas
Opinión
Arquivo
Ligazóns
Anteriores
|
*O
BNG felicítase de que Touriño se sume á
proposta de debate formulada por Quintana e remarca que “agora
só fica Fraga”
Redacción,
26 de abril 2005. A Executiva Nacional do Bloque
Nacionalista Galego
felicítase
de que o secretario xeral do PSdeG-PSOE, Emilio Pérez
Touriño, se sume á proposta de debate entre os tres
candidatos á presidencia da Xunta formulada por Anxo
Quintana.
Coñecida a disponibilidade de Pérez
Touriño, agora só fica Fraga. O candidato do PPdeG
ten ante si a responsabilidade de decidir se está ou non a
favor de garantir o direito dos cidadáns a coñecer
as propostas políticas das tres forzas políticas e
as condicións en que os seus líderes concorrerán
ao proceso eleitoral.
Non
é democraticamente posíbel que Fraga continúe
agachándose. Non é democraticamente posíbel
que cercene os direitos dos galegos e das galegas a ter a opción
de contrastar, en directo e sen censuras, os proxectos políticos
das tres forzas políticas.
O portavoz nacional do
BNG, Anxo Quintana, ten realizado un intenso labor político
nos últimos tempos en favor da transparencia e do direito
dos cidadáns a seren verazmente informados. A tal efeito,
tense dirixido xa por escrito aos directores da CRTVG e TVE na
Galiza –Francisco Campos e Domingo González- para
proporlles a realización de debates entre os tres
candidatos á presidencia da Xunta, co obxectivo de
“asegurar unha campaña electoral que mobilice á
xente e que lle devolva a confianza na política”.
Quintana
propón a celebración de dous debates entre os tres
candidatos. Un tería como eixo argumental a reforma do
Estatuto e a situación de Galiza no Estado español.
O outro debería analisar a política xeral e as
propostas de goberno que as tres forzas políticas
apresentarán perante os cidadáns galegos.
Voltar
a novas
Ver
anteriores
|
|