Publicidade
Contacto
Novas
Internacional
Anteriores
Opinión
Foro
Arquivo
Ligazóns
*Quintana
afirma na asemblea de Galeuscat que 'aproveitaremos o momento
político actual para lograr o recoñecemento de
Galiza como nación'
Redacción
26
de
xaneiro 2006
O portavoz nacional
do BNG, Anxo Quintana, destacou onte en Madríd a necesidade
de "aproveitar o momento político actual" para
lograr un novo Estatuto que "recoñeza a Galiza como
nación, amplíe o noso ámbito competencial e
contemple un novo modelo de financiamento que nos dea autonomía
financeira". BNG, CiU e PNV deciden actuar conxuntamente para
a transformación do Estado Español nun Estado
Plurinacional.
Anxo
Quintana realizou estas declaracións en Madrid durante a
asemblea de Galeuscat, a alianza entre as forzas políticas
nacionalistas de Galiza (BNG), Catalunya (CiU) e Euskadi (PNV),
que persegue a tranformación democrática do Estado
Español nun estado plurinacional.
O portavoz
nacional do BNG destacou que no momento político actual "se
abre unha inmensa oportunidade que se ten que aproveitar para
lograr o recoñecimento de Galiza como nación".
Neste sentido, instou ao conxunto das forzas políticas
galegas "a pornos a traballar e a redactar un novo Estatuto"
para que Galiza.
"Galiza ten que aspirar hoxe a ter unha
relación bilateral co Estado para conseguir o seu
recoñecimento nacional, para ter un novo ámbito
competencial e para conseguir un novo modelo de financiamento no
que se contemple o pagamento da débeda histórica que
o Estado ten con Galiza", subliñou Anxo Quintana.
A
este respeito, o líder do BNG insistiu en que Galiza "ten
o mesmo dereito que Cataluña para negociar o seu proprio
modelo financeiro que nos permita acadar a suficiencia
financeira". O portavoz nacional afirmou que "é o
momento de ser valentes: Galiza non é un país pobre,
sen recursos. senón que nos teñen que deixar valer
por nós mesmos".
DECLARACIÓN
GALEUSCAT
Por outra parte, Anxo Quintana destacou "o
gran servizo" que o BNG presta a Galiza participando en
Galeuscat "porque deste xeito Galiza aparece na política
estatal equiparada a Catalunya e a Euskadi, aparece na liga das
nacións".
Neste sentido, o portavoz nacional do
BNG pediulle ao Goberno do Estado que "se de verdade quere
facer unha transformación positiva e democrática do
Estado Español, ten que facelo contando con Galeuscat",
a terceira forza política estatal.
No seu discurso
Anxo Quintana criticou o actual modelo de Estado centralista "que
non garante nin a cohesión nin a solidariedade" e
propuxo a súa transformación nun Estado
Plurinacional "aberto e plural que se contrúe sobre a
base de nacións que queren cooperar nun destino
común".
Ademais de Anxo Quintana, na asemblea
de Galeuscat participaron o presidente do Euzko Alderdi
Jeltzalea-Partido Nacionalista Vasco (PNV); Josu Jon Imaz; o
secretario xeral de Unió Democrática de Catalunya
(UDC), Josep María Pellegrí; e mailo secretario
xeral de Convergència Democrática de Catalunya
(CDC), Artur Mas. Ao acto tamén acudiron máis de 150
cargos eleitos das catro formacións políticas.
A
asemblea de Galeuscat concluíu cunha declaración
final na que se acordou a coordenación da acción
conxunta de BNG, CiU e PNV para lograr un Estado Plurinacional.
Para acadar este obxectivo, a alianza aprobou tamén un
programa de actuación conxunta para o 2006 no que se
contempla un afondamento nas relacións coa sociedade civil
e unha maior difusión das propostas políticas de
Galeuscat.
Descarga a Declaración
Galeuscat 2006.
Voltar
a novas
Ver
anteriores