|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Ánxela
Bugallo abre os `Almorzos ON/OFF´de 2006 na
Coruña
Redacción
25
de
xaneiro 2006 O
CPXG, por medio da súa demarcación na Coruña,
organiza o vindeiro martes, 31 de xaneiro, a primeira edición
dos `Almorzos ON/OFF´ do ano 2006. Na charla estará
presente a Conselleira de Cultura, Ánxela Bugallo. O acto
vai comezar ás 9.30 co encontro `OFF´, para
colexiados, para dar paso ó `ON´, a rolda de prensa
de libre acceso, ás 10.15. Coma sempre, o almorzo
celebrarase na sede da Fundación Luís Seoane na
Coruña (Rúa San Francisco s/n).
Longa
traxectoria como bióloga e como militante
Ánxela
Bugallo, Conselleira de Cultura e Deporte, forma parte do círculo
máis estreito de colaboradores do vicepresidente da Xunta
de Galicia, Anxo Quintana. Ademais do cargo que ocupa no goberno,
Bugallo forma parte do Consello Nacional e da Executiva Nacional
do BNG e desempeña o cargo de adxunta á Portavocía
Nacional deste grupo, polo cal é deputada no Parlamento
Galego.
Con cargos de menor rango, leva desde moi nova
implicada na militancia nacionalista. Foi Secretaria Xeral da
organización estudantil ERGA, e activa portavoz do
movemento universitario durante a súa época de
estudante na Universidade de Santiago. Posteriormente militou en
Unidade Galega ata a súa disolución. Foi membro da
Permanente do BNG en 1985, e concelleira en Teo desde 1999 ata a
súa entrada no goberno da Xunta de Galicia.
Ademais,
Ánxela Bugallo combinou esta activa carreira política
cos estudos de Bioloxía, materia na que é Doutora
pola Universidade de Santiago de Compostela, onde desenvolve o seu
traballo como investigadora no Museo de Historia Natural Luis
Iglesias. Sobre este centro ten publicado un traballo, O Museo
de Historia Natural da Universidade de Santiago de Compostela,
con limiares de Senén Barro e José María
García Leira, no que fai accesíbel a riqueza
científico-cultural do museo.
Almorzos ON/OFF
O
aforo dos almorzos é limitado, polo que é preciso
inscribirse para participar e asistir. Para aniotarse nos almorzos
pódese chamar ó teléfono 981 93 56 70 ou
enviar un correo electrónico a xornalistas@xornalistas.com.
Os `Almorzos ON/OFF´ lévanse realizando desde
febreiro de 2005, organizados polo CPXG nas súas
demarcacións de A Coruña e Lugo. Nestes encontros
cos xornalistas teñen estado persoeiros como Ignacio
Ramonet, Alberto Núñez Feijoo, Anxo Quintana ou José
Blanco. O ciclo, que pretende fomentar o diálogo e a
análise da actualidade cos seus protagonistas, conta coa
colaboración da Fundación Luís Seoane.
O
CPXG, entidade de dereito público creada pola lei 2/1999 do
Parlamento de Galicia, suma máis de 1.100 colexiados
repartidos entre as sete demarcacións coas que conta. Entre
os seus obxectivos figura en lugar destacado afondar na mellora
das condicións nas que os xornalistas levan a cabo o seu
traballo, a defensa profesional dos seus membros e a garantía
de independencia e liberdade informativa en beneficio da sociedade
galega.
Voltar
a novas
Ver
anteriores
|
|