|
Publicidade
Contacto
Novas
Opinión
Arquivo
Ligazóns
Anteriores
|
*Quintana
tilda de “letal” a política economica do PP e
anuncia que sustituirá as subvencións por unhas
contas públicas saneadas como instrumento de apoio aos
sectores produtivos
Redacción,
24 de maio
2005. “Hai que liberar á
empresa e aos emprendedores da burocracia e do clientelismo”
e apostar pola innovación e o emprego de calidade.
O
portavoz nacional do BNG
e candidato á Presidencia da Xunta, Anxo
Quintana,
cualificou de “veneno letal” a política
económica aplicada polo Goberno do PP, que ten que ser
superada “de inmediato” por outra que sustitúa
“a subvención e o clientelismo” por unhas
contas públicas saneadas e transparentes que sirvan como
instrumento de apoio ao sectores produtivos.
“A
política económica do PP é un veneno letal
para os emprendedores e para a economía galega, un veneno
letal do que temos que prescindir, que temos que superar con
inmediatez pare liberar aos emprendedores e a economía
galega do papeleo, da burocracia e do clientelismo”,
salientou Quintana ao inicio dun acto co empresariado máis
representantivo de Pontevedra, que tamén contou coa
presenza do alcalde, Miguel A. Fernández Lores, a cabeza de
lista, Carme Adan e número tres da candidatura Carme Da
Silva.
Tres
eixos de actuación económica
O candidato
nacionalista explicou cales serán os tres eixos de
actuación da política económica que o BNG
quere desenvolver dende a Xunta. Primeiro, “contas
públicas saneadas e transparentes”. Segundo, apoio
decidido á economía produtiva, e terceiro,
aplicación de criterios modernos da economía que se
plasmará na creación dun departamento de
calidade.
Quintana foi contundente ao asegurar que o
crecemento económico e do emprego “non se vai acadar
a base de subvencións”, senón cunha política
de complicidade coa empresa, baseada na ecuación
“educación, investigación e
innovación”.
Programa Galiza
emprendedora 2009
O líder nacionalista
subliñou o papel de dinamización económica
dos emprendedores/as, “capaces de xerar proxectos
innovadores, incluso camiñando sós, sen o apoio do
Goberno”. Un aspecto que Quintana se compromete a corrixir,
e xa anunciou a criazón do programa Galiza emprendedora
2009, que conlevará a criazón da sociedade
pública ad hoc “que permita vehiculizar”
todo o apoio da Administración.
Igualmente,
considerar aos emprendedores/as como unha oportunidade, e os
recursos a eles adicados “como investimento, non como gasto”
e estabelecer mecanismos de apoio aos emprendedores e aos
autónomos coa criazón dunha carta de servizos “que
permita desenvolver a súas actividades con
calidade”.
ENCE, diálogo e firmeza nos
obxectivos
A preguntas dos xornalistas, Quintana
salientou que a postura do BNG en relación a ENCE “é
moi clara dende hai moito tempo, e mantense haxa eleccións
ou non haxa eleccións”, e baséase en tres
aspectos, explicou: cumprir a legalidade, “fundamental nunha
sociedade democrática e hai un tope para a permanencia de
ENCE que todos debemos cumplir”, nova ubicación
empresarial para a papeleira, “importante para Galiza, pero
fóra da Ría” e, terceiro, “determinación,
firmeza e diálogo pola miña parte”.
Para
cumprir estes obxectivos, recalcou, “diálogo sempre”.
“Primeiro os obxectivos e despois os instrumentos, non
poñamos antes os instrumentos cos obxectivos porque podemos
chegar a ningunha parte, e o diálogo e un instrumento para
acadar un obxectivo: que ENCE, cumprindo a legalidade, saia da Ría
de Pontevedra, e se ubique noutra parte”.
Voltar
a novas
Ver
anteriores
|
|