|
Publicidade
Contacto
Novas
Opinión
Arquivo
Ligazóns
Anteriores
|
*O
Plano de Choque contra as listas de espera, o Novo Estatuto e o
Plano de Emprego están entre as dez primeiras medidas de
goberno de Quintana
Redacción,
24 de maio
2005. O candidato do BNG
á presidencia da Xunta apresentou en Madrid o programa
urxente de goberno. "Imos acabar co despilfarro do PP; temos
por obxectivo suprimir 1000 altos cargos, o que suporá un
aforro de 90 millóns de euros anuais",
anunciou
Quintana.
O
portavoz nacional do BNG e candidato á Presidencia da
Xunta, Anxo Quintana, explicou onte en Madrid as dez primeiras
medidas de goberno a executar desde a Presidencia da Xunta,
subliñando especialmente a aprobación dun Plano de
choque contra as listaxes de espera na sanidade, un novo Estatuto
e un Plano de Emprego Galego.
Anxo
Quintana ofereceu onte unha conferencia no ciclo de Forum Europa,
que tivo lugar nun céntrico hotel madrileño, e nela
salientou que "estamos nun momento moi importante para
Galiza” porque se aveciña imparábel “o
cambio galego".
A primeira das medidas a adoptar por
Quintana será a de trasladar ao Parlamento galego un texto
novo de Estatuto para Galiza, para cumprir con tres obxectivos
básicos: un novo ámbito competencial, unha nova
relación co Estado para que "haxa unha vía
galega", e o estabelecimento dunha Carta de Direitos e
Deberes cidadáns. Quintana comprometeuse a trasladar esta
nova proposta de Estatuto nos primeiros seis meses de lexislatura,
ademáis de explicitar o seu compromiso de que o texto sexa
produto do acordo entre todas as forzas políticas.
Como
segunda e terceira medida, respeitivamente, o candidato
nacionalista á presidencia da Xunta mencionou o "decreto
de propaganda cero e o pacto social polas infraestruturas".
"Porque de propaganda imos ben servidos xa que o PP gastou e
está a gastar moitos cartos na nada". E no que
respeita ás infraestruturas, afirmou que "Galiza
padece un atraso neste eido que hai que solucionar. Nós
queremos que o PEIT supoña para o noso país o 8% do
investimento total xa que representamos o 6% da poboación a
nível estatal".
A ESTRUTURA DE GOBERNO: DEZ
ÁREAS DE TRABALLO
A cuarta medida sería o
"adelgazamento do tamaño do Goberno galego. Temos que
lle pór fin ao despilfarro do PP, temos por obxectivo
suprimir máis de 1000 altos cargos, o que implicaría
un aforro de 90 millóns de euros anuais". E engadiu
que estruturará o goberno en dez áreas de
traballo: vicepresidencia de igualdade "ocupada por unha
muller", unha presidencia de Goberno, unha área de
relacións internacionais, outra de competitividade, outra
de territorialidade, de calidade de vida, de saúde pública,
de educación, innovación e tecnoloxía, de
vida rural e do mar.
Seguíu co Plano Galego de
Emprego, xa que "a taxa de desemprego galego supera á
meia estatal" e no que se priorizaría a innovación,
a eficiencia e a creatividade da xente. Como medida número
seis, estaría o que denominou a "Galiza emprendedora
2009" cun fundo de 100 millóns de euros para apostar
polos emprendedores.
Salientou especialmente a medida
número sete, o Plano de choque contra as listas de espera
na sanidade, até reducilas a 60 días. Para minimizar
as listas de espera, Quintana duplicará os recursos e
realizará unha xestión máis eficiente. A
medida número oito sitúase xa no ámbito
educativo: criazón de 10.000 novas bolsas para estudos,
“queremos chegar ao 6% do PIB en investimento en
educación”.
UNHA AXENCIA ANTICORRUPCIÓN
A
proposta número nove sería a constitución
dunha Axencia anticorrupción, "moi necesaria despois
de tantos anos de goberno monocolor, das políticas
clientelares do PP", e explicou que estaría dirixida
por unha persoa nomeada no Parlamento. E como medida número
dez, Anxo Quintana procedería á criación do
Instituto Castelao. "Seremos alguén se preservamos a
nosa identidade e ensinamos a nosa lingua polo mundo". Todas
estas medidas enmarcounas o candidato nacionalista nun "compromiso
coa transparencia e coa democracia".
No turno de
perguntas dos asistentes, Quintana afirmou que o BNG demandará
un novo modelo de financiamento pero diferenciado do catalán
e do vasco porque “somos diferentes e non podemos estar na
política só para copiar as propostas dos
demais".
Respeito ás afirmacións dos
últimos días de Fraga, o candidato nacionalista
sinalou que con Fraga o que "correrá perigo é
que Galiza non sexa Galiza".
Voltar
a novas
Ver
anteriores
|
|