|
Publicidade
Contacto
Novas
Opinión
Arquivo
Ligazóns
Anteriores
|
*Quintana:
“Fraga é incapaz de falar dos problemas de Galiza e
só quer meter medo falando da unidade de
España”
Redacción,
24 de maio
2005. O
líder do BNG di que Fraga é un candidato fantasma
que “se esconde e non sabe debater nen dialogar, só
sabe insultar”. O
candidato do BNG
á presidencia da Xunta, Anxo
Quintana,
respostou na tarde de onte, nun acto público celebrado na
Casa da Cultura do Carballiño, ás acusacións
feitas esta fin de semana polo candidato do Partido Popular do que
afirmou: “Fraga é incapaz de falar dos problemas de
Galiza e só quer meter medo falando da unidade de
España”.
En opinión
de Quintana, o presidente dos populares galegos está a
demostrar estes días que é “un candidato que
se esconde e non quer debater, e así se converte nun
candidato fantasma”.
O
portavoz nacional do BNG asegurou que Fraga “está a
levar ao seu partido á extrema dereita, illada e incapaz de
chegar a acordos, e inútil para defender os intereses de
Galiza”.
Anxo Quintana pronunciouse neses termos
durante o mítin que pronunciou este serán no
Carballiño, no que tamén interviñeron a
número seis da candidatura ourensá, Áurea
Lorenzo, e o cabeza de lista por esta provincia, Iago
Tabarés.
Durante a súa intervención, o
candidato á presidencia galega aseverou que no seu mandato
“haberá un pacto social para a Galiza do Século
XXI e Madrid terá que escoitar a este país para
pagar a débeda histórica que aínda non
saldou”.
O cartel nacionalista comprometeuse,
asemade, a que nos seis primeiros meses do seu Goberno trasladará
ao Parlamento galego un texto articulado para un Novo Estatuto coa
intención de chegar a un consenso con todas as forzas
políticas. Ésta vai ser a lexislatura do diálogo
e Fraga vai ter que aprender a dialogar dende a oposición”,
concluíu.
Voltar
a novas
Ver
anteriores
|
|