|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Despedido
por pegar carteis
da CIG
Redacción
24 de marzo 2006 Dende
a CIG de Banca denuncian que un traballador da empresa Centro de
Atención de Llamadas, S.A. foi despedido en Ourense despois
de que pegase no taboleiro de anuncios da empresa un cartel da CIG
convocando unha Asemblea.
Na
carta recibida por este traballador, que presenta unha
discapacidade, se indica que o motivo de despedimento sería
unha “baixada voluntaria do rendemento” e na mesma
carta recoñecen o despedimento como improcedente optando a
empresa pola indemnización.
A
versión da CIG-Banca é outra e denuncian que se
trata dun despido que vulnera a liberdade sindical. Hai unha causa
efecto clara, pegouse un cartel convocando unha Asemblea de
Traballadores/as para analizar a situación laboral na
empresa e o traballador foi despedido.
Para
a central nacionalista a empresa só quería que non
tivera lugar a Asemblea para evitar que se chegase a coñecer
a precaria situación laboral que padecen os
traballadores/as. E para evitar que puideran ter unha
representación sindical comprometida coa defensa dos seus
dereitos. E anunciaron inminentes mobilizacións para pedir
a readmisión do despedido.
Esta empresa coñecida
comercialmente como Call Center é un centro especial de
emprego. Pertence ao Grupo Empresarial Netaccede do empresario
Marcelino Otero López que ten sede en Vigo. Participan
tamén no Call Center e teñen presenza no Consello de
Administración COGAMI e Caixanova.
Voltar
a novas
Ver
anteriores
|
|