|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Xosé
Zapata, produtor de “A casa da miña avoa”
destaca a exemplaridade de Play-Doc
Redacción
24 de marzo
2006 O
próximo 7 de abril chegará aos cines españois
a “A Casa da miña avoa”, unha longametraxe
documental dirixida por Adan Aliaga e producida por IBE cinema que
este mércores foi presentada en Play-Doc, o II Festival
Internacional de documentais de Tui, dentro da sección
oficial Atlántico.
O
seu produtor Xosé Zapata explicaba en rolda de prensa
onte pola mañá a especial vinculación da
empresa co mundo documental e que no caso concreto de “A
Casa da miña avoa” foi un paso máis nos
traballos que están a realizar vinculados a Galiza ao
tratase dunha longametraxe e pola promoción internacional
que está ter. Aínda que o director é
valenciano e a historia transcorre en Valencia, a tradición
popular e a idiosincrasia que amosa ten moito que ver coa galega,
segundo Zapata.
Este
documental foi xa premiado o ano pasado en Amsterdam e vén
de recibir nos últimos días mencións
especiais nos festivais de Miami e Chicago. Logo de estar en
Play-Doc continuará a súa andaina nos festivais de
Oslo, Tesalónica, Tel Aviv, Nueva York, Toronto,
Guadalajara-Mexico, Seul e Sidnye.
Xosé
Zapata, con ampla experiencia en festivais internacionais,
destacou que “Play-Doc é un festival exemplar”
destacando que “o nivel deste festival é moi
interesante e máis tendo en conta que é a súa
segunda edición” e engadindo que “o nivel de
profesionalidade que destila é bastante
impresionante”.
Tamén
destacou Xosé Zapata que o rexurdimento do documentalismo
no Estado español está a interesar moito en Europa
“por iso en Amsterdam nos premiaron como bandeira do
documental do Estado español” e engadiu que “A
casa da miña avoa” está a ser unha referencia
o que contribúe a que “o cine do
Estado español sexa recoñecido
fora e teña un prestixo fora do que é Almodovar”.
Por todo isto concluía que “play-Doc dentro do
rexurdir do documental no Estado
español é imprescindíbel
para que o público se achegue a estas obras”.
Indicaba tamén Xosé Zapata que ao tratarse dun dos
poucos festivais especializados en documentais “se o fai ben
e ten o apoio das institucións está chamado a ser un
éxito, consolidarse e lograr repercusión
internacional”.
Voltar
a novas
Ver
anteriores
|
|