|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Hoxe
venres celébrase FESTACTIVA cunha gran
FESTACCIÓN
Redacción
24 de marzo 2006 Un
concerto de 4 horas con pallasos, malabares e
monociclo, porá fin ao programa de actividades. Hoxe
venres 24 de marzo celebrarase no Pavillón do Instituto
Fontiñas de Compostela, Festacción, unha grande
festa con obradoiros, demostracións, animacións e
concertos coa que concluirá o
programa de actividades de ocio alternativo para a Mocidade,
Festactiva.
A
partir das oito da tarde comezarán os obradoiros de
dj, impartido polo Dj Kaze, e de break dance, a cargo de
Carlos Barca da Academia Sons. De seguido, ás dez da noite,
membros da compañía Os Sete Magníficos máis
Un ofrecerán un obradoiro de clown e o colectivo AleHop un
de malabares.
O
concerto Festacción reunirá a partir das dez
da noite a tres grupos de hip hop locais: Mito Escrito, Pa la Peña
e Bronquitis Crónica, que compartirán escenario con
Non Residentz, un dos grupos máis sobresaintes da escena
hip hop galega actual. Festacción fai unha aposta polas
novas promesas do panorama musical galego abríndolles un
espacio para amosar en directo o seu traballo ante o público
de Fontiñas e, a un tempo, compartir escenario cun grupo xa
consolidado como Non Residentz.
Durante a Festacción,
quen o desexen poderán subir ao escenario para poñer
en práctica o aprendido a partir dos obradoiros realizados
durante a programación e demostrar o que saben de “Hip-
hop” e “Novo Circo” ante o público.
Despois
da positiva realización das anteriores xornadas adicadas á
“Cultura do hip hop” e a “O Novo Circo”
que se realizaron os xoves e venres anteriores, a mocidade
Compostelá e da Comarca ten unha nova oportunidade de
participar deste programa de ocio alternativo e especialmente de
obradoiros innovadores como son os de clown, equlibrio ou rap.
Estes obradoiros, como o resto de actividades de Fest@ctiva, son
totalmente abertos e de balde.
Fest@ctiva,
organizado polo Departamento de Educación e Mocidade do
Concello de Santiago de Compostela e xestionada por Coper@ctiva
Cultural – Culturactiva S. C. G., pretende ofrecerlle á
mocidade alternativas de ocio e culturais, cubrindo un oco que
neste senso, existe nas políticas programáticas para
a mocidade en Galiza.
Este programa propón unha
alternativa á diversión estándar, basado
na autoxestión do ocio da mocidade galega e conxugando
formación, tempo libre e diversión. Festactiva
promove outro xeito de facer festas, onde a xente é a
verdadeira protagonista e tódolos participantes teñen
un lugar nas demostracións e actividades
finais.
Dende a organización animan a todos os mozos
e a todas as mozas a participar nesta actividade na que facer do
seu ocio unha alternativa. Todas aquelas persoas que desexen máis
información poden consultar o portal de internet
www.culturactiva.org
ou chamar ao telf: 981 58 28 36.
Voltar
a novas
Ver
anteriores
|
|