|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*O
SEDA apresentará a primeira curta galega de cine X “Pallas
Mentais”
Redacción
24 de marzo 2006 O
Salón Erótico do Atlántico, SEDA
que se celebrará do 30 de marzo ao 2 de abril en Fexdega
(Vilagarcía de Arousa), manterá unha intensa
actividade ademais dos intercambios económicos entre
profesionais no área de exposición. Fernando
Fernández e a protagonista da cinta Alba Sanz, farán
a apresentación da primeira curta X feita en
Galiza.
Durante
os 4 días que dura o salón medio centenar de
artistas participarán en preto de 200 espectáculos
coa filosofía “non stop”, é dicir, os
espectáculos celebraranse continuamente desde a apertura ao
peche da feira, cunha programación anunciada de antemán.
Nos shows eróticos haberá 25 pases diarios e
dous concertos da sección “Rock and Sex” co
grupo “Porno Band” do productor e actor Conrad Son o
que supoñen 75 shows e 6 concertos. Polo que respecta aos
espectáculos X no escenario “XSHOW” haberá
10 pases diarios de tres shows diferentes ata completar 108 no
total da feira. Ademais, a empresa galega “Pigmalion”
apresentará ao longo dos catro días diferentes
espectáculos de produción propia.
Polo que
respecta ao cine, baixo o título “SESION TRIPLA”
haberá tres sesións diaria triplas coa presentación
de dúas películas eróticas e 2 máis X,
ademais da curta galega “Pallas Mentais”. Na área
erótica estará “Laura está soa” e
a estrea mundial de “O mar non é azul”. Na zona
X será o estreo no Estado español de “Mike
action” e “A enfermeira malvada” coa presenza
das súas estrelas, Dora Venter e María
Belucci.
Entre as actividades paralelas atópase “A
avenida das estrelas” coa presenza de Lena Gasol, Evita de
Luna, Dora Venter, Maria Belucci, Leticia Bruni, Carmen Vera, Yuli
e Minerva Pons, na que as artistas asinaran autógrafos aos
seus admiradores e admiradoras.
Ademais créase o
“Foto Set” unha zona na que, quen o desexe poderá
fotografarse ou filmarse en video, totalmente gratis con algunha
das estrelas invitadas.
Presentación da
primeira curta X galego
Outra
das novidades será a presentación da primeira curta
X feita en Galiza. “Pallas Mentais” estará
presentada polo seu director Fernando Fernández e a
protagonista da cinta Alba Sanz.
Como charlas
divulgativas, celebrarase un cineforum coa participación de
Conrad Son, director artístico da feira e Evita de Luna,
imaxe oficial de SEDA na que se abordará o tema: “A
sexualidade actual da muller” e na que se pasará a
película “Laura está soa”.
Posteriormente celebrarase un coloquio sobre este tema cos e coas
protagonistas.
Non será a única conferencia
xa que está previsto un coloquio coa actriz e modelo Lena
Gasol, sobre o tema “A muller como modelo”.
Making Off
Como
novidade, o realizador Rubén Dos Santos, gravará
unha reportaxe sobre o interior do SEDA, un “Making Off”
onde se recollerá todo o que suceda durante os catro días
no salón. A intención é utilizalo como
material promocional do salón no estranxeiro, de cara a
futuras edicións.
Outra das actividades será
a exposición de fotografía erótica realizada
en branco e negro por un fotógrafo da axencia Reuter.
Casting
Outra
novidade presente no SEDA será a realización dun
casting para atopar novos talentos (homes e mulleres) para o cine
erótico e X. Con este motivo tanto o venres coma o sábado
(31 e 1) recolleranse solicitudes para presentarse ao casting. O
mesmo terá lugar o domingo 2 de abril ás 20 h. no
propio salón. Os interesados e interesadas deberán
presentar na área seleccionada para tal fin os seus datos
persoais e unha foto de busto e outra de corpo enteiro espido/a.
Voltar
a novas
Ver
anteriores
|
|