|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
Mesa pide que todos os departamentos da Xunta condicionen as
axudas ao Concello da Coruña ao cumprimento da lexislación
lingüística
Redacción
24 de marzo 2006 A
Mesa considera “exemplar” a decisión do
Director Xeral de Turismo e demanda que “se rompa a actitude
cómplice que mantiveron anteriores gobernos”. Nunha
actitude exemplar e sen precedentes que A Mesa aplausa, o Director
Xeral de Turismo, Rubén Lois, vén de condicionar as
axudas públicas que desde o seu departamento recibe o
Concello da Coruña en materia de promoción turística
a que a partir de agora a institución municipal coruñesa
emprege A Coruña como única denominación
oficial da cidade e introduza o galego en toda canta actividade ou
material dedique a tal fin.
A
actuación do responsábel do departamento de Turismo
da Xunta de Galiza, dependente da Consellaría de Innovación
e Industria, supón para A Mesa unha mudanza cualitativa e
moi positiva na actitude pasiva e mesmo cómplice que os
gobernos autonómicos amosaron até o de agora a
respecto do nulo cumprimento da lexislación en materia
lingüística por parte do goberno municipal encabezado
até hai escasos días por Francisco Vázquez.
Constitúe
sen ningunha dúbida unha moi boa e esperanzadora noticia
que un departamento da Xunta dea ao fin o paso de facer cumprir
escrupulosamente a legalidade vixente e vincule directamente
as axudas públicas que concede, así como a súa
colaboración institucional, co uso da lingua galega e o
respecto á toponimia oficial, superando así o
desleixo e complicidade da anterior administración
autonómica a este respecto. Cómpre recordar,
ademais, que tal liña de actuación de vincular
axudas autonómicas a uso do galego aparece recollida no
Plan Xeral de Normalización da Lingua Galega aprobado por
unanimidade no Parlamento.
Desde A Mesa agardamos agora que
a exemplar actitude da Dirección Xeral de Turismo se
estenda ao resto do Goberno galego e das administracións
públicas presentes en Galiza, de xeito que ningún
dos seus departamentos conceda diñeiros públicos ou
colaboración institucional a actividades que exclúan
o galego ou nas que se utilicen topónimos castelanizados;
unha tarefa de cuxo seguimento entendemos que debe ser responsábel
a Secretaría Xeral de Política Lingüística.
Voltar
a novas
Ver
anteriores
|
|