|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Un
libro da galega OQO Editora, recibe unha mención especial
nunha selección dos mellores libros para nenos e nenas de
todo o mundo
Redacción
24 de marzo 2006 A cousa
que máis doe do mundo foi incluído cunha
“Special mention” dentro do catálogo WHITE
RAVENS que se presentará na Feira do Libro Infantil de
Bologna.
A
cousa que máis doe do mundo,
un conto popular de Costa de Marfil adaptado por Paco
Liván, ilustrado por Roger Olmos e editado pola galega OQO,
ven de ser seleccionado cunha “MENCIÓN ESPECIAL POLA
SÚA CALIDADE LITERARIA E GRÁFICA” no catálogo
e na exposición dos WHITE RAVENS, unha iniciativa coa que a
Internationale Jugend Bibliotek (IJB) de Munich escolle os
mellores libros infantís e xuvenís de todo o
mundo.
A
IJB presentará esta selección no transcurso da Feira
do Libro Infantil de Bologna que se celebrará na cidade
italiana entre o 27 e o 30 de marzo.
A
IJB é unha institución alemá que se dedica ao
estudio e divulgación da Literatura Infantil e Xuvenil de
todo o mundo. Este ano, seleccionou un total de 250 libros de 32
idiomas e 47 países.
A
cousa que máis doe do mundo
é unha adaptación para os máis
pequenos dun conto da tradición oral de Costa de Marfil, na
que unha lebre acaba demostrándolle a unha hiena que a
mentira é a cousa que máis doe no mundo, hipótese
vai ser demostrada nun relato fantástico e divertido que
provocará no lector, ademais dalgunha gargallada, a
reflexión e unha resposta emocional.
Nesta
feira internacional, OQO Editora terá stand propio, no que
estará expostas as 18 obras que a editora pontevedresa ten
editado desde o seu nacemento, en xullo do 2005. Nestes sete meses
de andaina, OQO ten botado a andar tres coleccións de
literatura infantil e xuvenil, que abranguen sectores de idade de
entre os 4 aos 16 anos: O, Q e FOQO.
Así mesmo, para
o día 2 de abril, DÍA INTERNACIONAL DO LIBRO
INFANTIL E XUVENIL, OQO presentará as seguintes
novidades:
MR CORVO, un conto popular turco
adaptado por Luisa Morandeira e ilustrado por Maurizio A. C.
Quarello
COCORICO, un conto popular turco adaptado por
Marisa Núñez e ilustrado por Helga Bansch
O
SEGREDO DO REI CURRO, un conto baseado no mito do Rei Midas,
adaptado por Patacrúa e ilustrado por Sergio Mora
PEDRA,
PALLA, PAU, un conto popular ruso adaptado por Ana Presunto e
ilustrado por Josep Rodés.
Máis
información en: www.OQO.es.
Voltar
a novas
Ver
anteriores
|
|