|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*ADEGA
critica as manifestacións do alcalde de Chandrexa de
Queixa
Redacción
24 de xaneiro 2006
Diante
das manifestacións do alcalde de Chandrexa de Queixa, D.
Francisco Rodríguez, que amosaba a súa preocupación
polo anuncio do Conselleiro de Medio Ambiente de prohíbir a
construcción de parques eólicos en zonas con
protección medioambiental, e se dicía “desesperado”
porque na súa opinión a Rede Natura “non está
aportando ningún beneficio económico, algo que sí
ofrecería a enerxía eólica”, ADEGA non
pode por menos que lamentar a limitada visión e o profundo
descoñecemento que este alcalde amosa do que significa a
xestión sostíbel dos espazos protexidos e do medio
rural.
No
entanto, ditas manifestación son unha clara mostra das
consecuencias sociais da desastrosa xestión realizada polos
anteriores governos da Xunta nos nosos espazos protexidos e o
interesado déficit de información cara a povoación
residente nestes entornos. Tal política espallou a
idea equivocada de que a Rede Natura implica a prohibición
de todas as actividades que se viñan desenvolvendo nesas
áreas. Como consecuencia, estendeuse a
percepción equivocada da Rede Natura como freo ao
desenvolvemento e xenerouse un interesado sentemento de
rexeitamento nas poboacións residentes cara os espazos
protexidos, que remata beneficiando únicamente aos
intereses dos promotores.
Contrariamente
a esta idea, a Rede Natura pode e debe actuar como elemento
dinamizador destas áreas, aportando vantaxes económicas
e benestar ao potenciar aquelas actividades compatíbeis coa
conservación da Natureza e servir como elemento fixador de
poboación. Como demostra un recente estudo
“Beneficios y Costes Sociales en la Conservación de
la Red Natura 2000”, (Prada, Vázquez e Soliño,
2005) a compoñente ambiental é un factor cada vez
máis importante e valorado no desenvolmenento sustentábel
do medio rural. As conclusións destes
investigadores reflicten que, con referenza á xestión
dos espazos da Rede Natura, existe entre a poboación rural
e urbana unha opinión que indica unha forte e sólida
preferenza por incrementar a superfície protexida. O 85%
das persoas enquisadas elixiron unha alternativa de maior
intervención administrativa fronte á sitación
actual, así como a realizar investimentos en conservación.
Detectouse, por exemplo, unha disposición ao pago de 122
euros/ano e fogar para que os bosques caducifolios sexan o
arborado dominante neses espazos. Este estudo conclúe que a
conservación do medio natural e da calidade ambiental non
se asegura co mero crecemento económico, facéndose
necesarios incentivos xestionados polas administracións.
Ademáis de ser un instrumento para a conservación do
medio natural, a Rede Natura 2000 aporta vantaxes económicas
e sociais significativas, facilitando e potenciando aquelas
actividades compatíbeis coa conservación da natureza
e que contribúen á millora da calidade de vida e ao
benestar dos habitantes do medio rural. Aliás, as
posibiliidades de financiamento europeo para desenvolver proxectos
sustentábeis dentro da Rede Natura son numerosas: fondos
Life, Leader, Fondos Estruturais, FEOGA... Só fai falla que
as administracións, incluída a local, se poñan
as pilas e xestionen axeitadamente todo este abano de
posibilidades, denantes de actuar como axentes comerciais das
promotoras eólicas.
Nas manifestacións do
alcalde de Chandrexa de Queixa atopamos un motivo máis para
reclamar da nova Xunta unha actuación valente e decidida a
prol da conservación dos nosos espazos naturais, através
da proteción efectiva e a urxente ampliación da Rede
Natura e da rede galega de espazos protexidos.
Voltar
a novas
Ver
anteriores
|
|