|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*O
Goberno de Ecuador suspende cun bando militar as liberdades civís
na Amazonía
Redacción,
23 de
agosto
2005
Mediante bando militar, en aplicación do estado de
emerxencia, o Goberno do Presidente Alfredo Palacio, quitou aos
habitantes das provincias de Sucumbíos e Orellana (na
Amazonía ecuatoriana), a liberdade de pensamento,
opinión e expresión, xunto á reestrición
de outras liberdades públicas. Esta decisión foi
tomada en resposta a protesta contra as petroleiras extranxeiras
que manteñen dende hai varios días os habitantes das
provincias afectadas.
A protesta contra as petroleiras
extranxeiras que operan nesa zona de Ecuador está poñendo
en apuros ao Goberno, pois a producción está
totalmente paralisada e xa se fixo público o anuncio de
petición dun préstamo de crú á
Venezuela para cumprir coas exportacións, así como a
petición ao Fondo Latinoamericano de Reservas (FLAR) de 400
millóns de dólares para facer fronte ás
perdas orixinadas polas protestas.
Reproducimos a
continuación o bando militar emitido o pasado día
19:
Mediante
comunicación recibida recentemente, o Xeneral de Brigada
Gonzalo Meza, comandante da IV División de Exercito
"Amazonas" fai coñecer que: "Na súa
calidade de Comandante da Forza de Tarefa Conxunta No. 4, que en
uso das súas atribucións extraordinarias conferidas
nol decreto de emerxencia, asume as responsabilidades como máxima
autoridade nas xurisdicións precitadas, para facer cumprir
a Constitución, as leis e o ordenamento xurídico
legalmente constituido.
Dando
estricto cumprimento por todos os medios e as faculdades
extraordinarias conferidas polo Presidente da República na
declaratoria do estado de emerxencia, dispón:
a. O
toque de queda nas provincias de Sucumbíos e Orellana a
partir das 22h00 até as 05h30.
b. A prohibición
da venda e consumo de bebidas alcolicas durante a vixencia do
estado de emerxencia.
c. A prohibición de portar
armas, municións e explosivos.
d. Non incorrer nos
delictos relacionados co medio ambiente.
e. Suspender o
dereito á liberdade de opinión e de expresión
do pensamento en todas as súas formas a través de
calquera medio de comunicación.
f. Suspender a
inviolabilidade de domicilio.
g. Suspender o dereito a
transitar libremente polas provincias de Sucumbíos e
Orellana.
h. Suspender a liberdade de asociación e
de reunións, con fins pacíficos.
i. As
autoridades dos gobernos seccionais das provincias de Sucumbíos
e Orellana, incorporen en forma inmediata ao persoal ás
labores normais nas súas respectivas dependencias.
Fonte:
Axencia Walsh
Voltar
a novas
Ver
anteriores
|
|