|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*O
Consello Nacional do BNG ratifica por unanimidade o acordo para a
formación do goberno bipartito
Redacción,
23 de xullo 2005.
O Consello Nacional do BNG
amostrou a súa satisfacción polo contido das bases
programáticas
que sustentarán tal acordo e en particular polo feito de
que Galiza vaia contar apartir de agora cun Goberno que recoñoce
a súa condición nacional.
O máximo
órgao do BNG entre asembleas considerou tamén moi
relevante que nas bases programáticas do bipartito se
recoñeza a existencia da débeda histórica e
se asuma o compromiso de reclamar até o 8 por cento dos
investimentos contemplados polo Goberno do Estado no PEIT.
O
Consello Nacional transmitiu os seus parabéns aos membros
do Grupo de Traballo formado para a negociación co
PSdeG-PSOE, aos integrantes da comisión negociadora
–Francisco Jorquera, Ánxela Bugallo e Carlos
Aymerich- e ao líder da organización, Anxo
Quintana.
Na súa intervención ante o
Consello Nacional, o portavoz nacional do BNG, Anxo Quintana,
definiu o Novo Estatuto de Nación como unha “acción
prioritaria” do Goberno bipartito nesta lexislatura.
“O
programa do bipartito non é o programa do BNG nen tampouco
é o programa do PSOE; é unha síntese deles,
pero si contén elementos que podemos definir como
claramente nacionalistas, porque o nacionalismo vai estar no
Goberno do país e ese feito cabe cualificalo como un feito
histórico”, dixo Quintana ao tomar a palabra no seo
do Consello Nacional.
A construción dun novo marco
político para Galiza, e a defensa dos seus intereses
nacionais, será o argumento central da intervención
que Anxo Quintana realizará o vindeiro luns, no tradicional
discurso do Día da Patria Galega, na praza compostelá
da Quintana, adiantou o líder do BNG.
Voltar
a novas
Ver
anteriores
|
|