|
Publicidade
Contacto
Novas
Internacional
Opinión
Arquivo
Ligazóns
Anteriores
|
*O
BNG solicita á Xunta Eleitoral Central que os votos do
exterior que se recibiron por parte de correos con posterioridade
ás 20.00 horas do 19-x se reconten de forma
separada
Redacción,
22 de xuño
2005. O Bloque Nacionalista
Galego vén de apresentar un escrito perante a Xunta
Eleitoral Central para que os votos do exterior que se recibiron
por parte de Correos e Telégrafos con posterioridade ás
20.00 horas do 19 de Xuño se reconten de forma separada. O
BNG argumenta no seu escrito que tendo en conta que o escrutinio
do voto CERA non se iniciará até o luns 27 de xuño
“poden aínda ficar en poder de servizos postais
estranxeiros (que en muitos casos nen sequer revisten carácter
público) un número significativo de envíos
postais”.
O problema radica en que estes envíos
están “alleos a todo control por parte non só
da Administración Eleitoral, senón de caisquer
outros poderes públicos españois”, polo que
poden ser “facilmente manipulábeis, unha vez se
coñece unha aproximación bastante fiel ao resultado
eleitoral”. É por isto que o BNG insiste en “estremar
as cautelas sobre os envíos eleitorais que obran en poder
das autoridades ou servizos postais do Estado español con
posterioridade á data de feche dos colexios eleitorais,
instando a que o seu reconto se faga de forma específica
por parte das xuntas eleitorais”.
Preme
aqui para ler o escrito apresentado polo BNG ante a Xunta
Eleitoral Central.
Voltar
a novas
Ver
anteriores
|
|