*Iraq custa máis que Corea

Redacción, 22 de xuño 2005. Costa abaixo: Os gastos militares de Estados Unidos en Iraq igualaron o orzamento empregado na Guerra de Corea, unha cifra que será sobrepasada en breve, afirmou hoxe a televisión canadiense CBC.

Desde os ataques terroristas do 11 de setembro de 2001, o congreso aprobou 350 mil millóns de dólares para a campaña bélica do presidente George W. Bush, en especial no país árabe.

Esa cifra inclúe os 82 mil millóns de dólares que o Capitolio entregou o pasado mes á Casa Branca, co cal alcanza o orzamento do conflito de Corea (1950-1953).

Nesa conflagración morreron máis de 54 mil soldados norteamericanos e outros 100 mil resultaron feridos.

Non embargante, a Cámara de Representantes aprobou un novo paquete por valor de 45 mil millóns de dólares para manter a ocupación de esa nación do Golfo Pérsico, que dispara os gastos militares.

Durante o debate nese órgano lexislativo, a líder da minoría demócrata, Nancy Pelosi, considerou que "esta guerra é un erro grotesco".

Iraq converteuse nun problema para a administración republicana, que enfrenta unha crecente presión da opinión pública e das propias filas do seu partido.

Ao respecto, unha enquisa realizada pola firma Gallup para o diario USA Today e a televisión CNN revelou que 59% dos norteamericanos cuestiona o conflicto nese país árabe.

Segundo o estudo, o 39% dos entrevistados respalda a opción militar, unha caída significativa desde marzo, cando rexistrou o 47% de apoio.

A pasada semana catro lexisladores presentaron un proxecto que obriga á oficina oval a comenzar a retirada do exército a partir do 1 de outubro de 2006.

Dous demócratas e outros tantos republicanos da Cámara de Representantes anunciaron un plano que esixe ao xefe do Estado elaborar un cronograma para o repregue das forzas do Pentágono do país árabe.

É a primeira vez que un proxecto de ese tipo é presentado por lexisladores de ambos partidos, aínda que en 2002 a grande maioría dos demócratas e seis republicanos da Cámara baixa apoiaron a retirada do exército de ese territorio.

Bush recoñeceu onte que o panorama en Iraq é duro para Estados Unidos, aínda que minimizou a súa declaración ao afirmar que o país avanza na súa guerra.

O mandatario rexeitou de cheo a evacuación das tropas do Pentágono de esa nación, como quere o 59% dos norteamericanos.

Prensa Latina

Voltar a novas

Ver anteriores