|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*Quintana
pídelle ao PP “que saia do seu silencio” e se
comprometa a traballar por un novo estatuto para Galiza sen
“escoitar os ditados de Madrid”
Redacción,
21 de xullo 2005.
O portavoz nacional do BNG,
Anxo Quintana, pediulle
este serán ao PP que “saia do seu silencio” e
se “comprometa a traballar coas outras forzas políticas
para dotar a Galiza dun Novo Estatuto”. “Queremos un
Novo Estatuto sen exclusións e queremos tamén
integrar ao PP nos traballos. O PP debe comprometerse a traballar
con nós na redacción dunha nova carta de direitos
para os galegos e as galegas. Pero para facelo, debe deixar de
escoitar os ditados de Madrid”, afirmou o líder do
BNG.
“Non pode ser que nun asunto tan importante para
o país, o PP fique en silencio. Ten que saír do
letargo e dicer con clareza, como dicemos que nós, que eles
tamén están por un Novo Estatuto sen exclusións,
aberto a todas as forzas políticas con representación
no Parlamento Galego”, acrecentou o portavoz nacional
durante o discurso que pronunciou este serán no Círculo
de Artesanos d’A Coruña, dentro do ciclo de actos
programado polo BNG en vísperas do Día da Patria
Galega 05.
Quintana
anunciou que o goberno bipartito vai “impulsar con carácter
prioritario” o Novo Estatuto de nación para Galiza,
“porque o país non pode ficar atrás”.
“Para nós, resulta especialmente satisfactorio que o
acordo de goberno alcanzado entre o PSdeG e o BNG se teña
sustanciado precisamente nas vésperas dunha data tan
simbólica como o 25 de Xullo, o Día da Patria
Galega”, aseverou o dirixente nacionalista.
O
portavoz nacional felicitouse de que o acordo entre BNG e PSdeG se
vaia traducir nun Programa Contrato de perto de 40 páxinas,
“o que está moi lonxe de ser unha mera declaración
de intencións”.
“En política a
forma é tan importante como o fondo. O Programa do
bipartito vai ser un contrato coa cidadanía que imos asinar
esta mesma semana con luz e taquígrafos e que ten sido
negociado con total transparencia, nas antípodas dos pactos
escuros que facía Fraga con líderes territorais sen
que nunca se nos explicase aos contribuíntes a canto
ascendía a factura”, alegou Quintana.
Quintana
aproveitou tamén este acto para anunciar a intención
do BNG de promover un Goberno “nas antípodas da
propaganda”. “Alí onde goberna o BNG, os
contribuíntes poden ter a completa seguranza de que os seus
cartos non se dilapidan en propaganda partidista”,
afirmou.
DÉBEDA HISTÓRICA
A
débeda histórica foi outro dos fíos
argumentais do discurso de Quintana.
“Galiza vai ter
por vez primeira un Goberno que negocie co Estado o resarcimento
por tanto dano producido no noso país por tantos anos de
marxinación estrutural”, dixo o líder do BNG,
para quen “reivindicar a débeda histórica en
Galiza non ten nada a ver cun alegato máis ou menos
nacionalista, é unha cuestión de simples sentido
común, de sentidiño”.
“Calquer
galego normal sabe que esa débeda existe. O de menos é
como se lle chame. O que ten que facer o Goberno galego, en todo
caso, é abrir conversas coa Administración do Estado
para, con toda a flexibilidade do mundo, pactar un calendario para
a liquidación do que se nos adebeda como país por
tantas décadas de incuria e desatención”,
concluíu.
Voltar
a novas
Ver
anteriores
|
|