|
Publicidade
Contacto
Novas
Internacional
Opinión
Arquivo
Ligazóns
Anteriores
|
*Venezuela
presentou hoxe a solicitude de extradición do anticastrista
Posada Carriles
Redacción,
21 de xuño 2005.
Venezuela
presentou hoxe a solicitude formal de extradición do
anticastrista Luis Posada Carriles ao Departamento de Estado
norteamericano, nun volume de máis de 500 páxinas
que inclúe todo o seu expediente xudicial.
"Aquí
comenza unha conta regresiva para Estados Unidos e o seu goberno
para ver cantos minutos, canto tempo seguirá protexendo a
un terrorista", dixo a vicecanceler de Venezuela, Delcy
Rodríguez.
O embaixador de Venezuela en Washington,
Bernardo Alvarez, informou pola súa parte que a evidencia
presentada ao Departamento de Estado demostra a culpabilidade
de Posada Carriles no atentado con bomba contra un avión
cubano no que morreron 73 personas, en 1976.
"Esperamos
que o goberno de Estados Unidos faga todas as dilixencias para que
o proceso de extradición de Posada Carriles comece
inmediatamente", dixo Alvarez, quen esta tarde ten unha
reunión co secretario de Estado adxunto para o Hemisferio
Occidental, Roger Noriega.
O embaixador asegurou ademais
que o xuizo contra Posada Carriles estará a cargo da
xustiza e se lle recoñecerán todos os seus dereitos,
incluido o debido proceso.
"A diferenza dos detidos
en Guantánamo, aquí hai unha causa xudicial aberta"
que garantiza un proceso xusto e imparcial, engadiu, en referencia
ás máis de 500 personas que Estados Unidos ten
prisioneiras na súa base naval en Cuba.
A
vicecanceler, que calificou a Posada Carriles como un "connotado
terrorista", solicitou á administración Bush
facer "prevalecer a solicitude de extradición por riba
de calquera causa que teña por violación ás
leis migratorias".
Posada Carriles foi arrestado o 17
de maio polas autoridades migratorias de Estados Unidos, que o
procesaron por haber ingresado ilegalmente no país en
marzo.
O abogado José Pertierra, quen asesora no
caso ao goberno venezolano, indicou que esta causa aberta non ten
por que ser un obstáculo para a extradición, xa que
o Tratado de Extradición bilateral no que se basea o pedido
prevalece sobre unha violación á lei migratoria.
"Entregamos suficiente evidencia da participación
de este señor na voladura do avión, incluido un
documento da Agencia Central de Intelixencia (CIA) desclasificado
recentemente en que Posada Carriles anuncia días antes do
atentado que van a volar un avión cubano", asegurou a
vicecanceler.
A solicitude de extradición
acompañada polo expediente e a evidencia foi entregada en
inglés e en español. O volume en inglés ten
520 páxinas.
"Normalmente preséntase
a solicitude de extradición e despois se entrega a
documentación que requira o país. Pero aquí
presentamos todo de antemán", dixo o embaixador
venezolano.
"Cumprimos cunha rigurosidade extrema",
dixo a vicecanceler. "Non existe un só caso de
extradición de Venezuela ou de Estados Unidos onde se
chegara a estos extremos".
Estados Unidos rexeitou a
solicitude de detención con fins de extradición de
Posada Carriles, que fora presentada o 13 de maio polo goberno do
presidente Hugo Chávez, co argumento de que non estaba
acompañada por evidencia probatoria suficiente.
O
abogado dixo que o procedemento que segue agora é que a
secretaria de Estado norteamericana, Condoleezza Rice, debe pedir
á xustiza federal que analise o pedido de extradición.
"O xuíz federal debe determinar só duas
cousas: se hai efectivamente unha orde de arresto emitida por
Venezuela, que a hai, e considerar se o delicto polo cal se pide a
súa extradición está incluido no Tratado de
Extradición, que é homicidio e que está
contemplado", explicou Pertierra.
"É o
único que debe determinar o xuíz. Non se lle gusta
ou non lle gusta o sistema xudicial venezolano. Non se lle gusta
ou non lle gusta Chávez", aclarou o abogado.
Ante
a pregunta de que medidas tomaría Caracas no caso de que
Washington non responda ao pedido, Pertierra preguntou:
"Pregúntome
que faría Estados Unidos se Pakistán toma
prisioneiro a Osama bin Laden e no lugar de extraditalo para que o
xulguen polas Torres Xemelgas, o enxuizan por ingresar a cabalo
sen pasar por migración".
Voltar
a novas
Ver
anteriores
|
|