*Quintana
insta a Fraga a restituír o diñeiro pagado a
“specials events” e afirma que “sempre que
Galiza sofre unha desgraza, o PP saca tallada”
Redacción,
21 de maio
2005.
“Pasou co Prestige e agora se descobre que tamén
pasou durante a crise das vacas tolas”.
O candidato
nacionalista subliña a necesidade dun cambio galego que
implique rexeneración democrática.
Anxo
Quintana criticou na tarde de onte o
“último exemplo de corrupción institucional”
protagonizado polo Partido Popular, que non reparou en contratar
unha empresa que ten o seu domicilio nun paraíso fiscal
para “limpar a imaxe da terneira galega” deteriorada
pola propia xestión da Xunta durante a crise das vacas
tolas. “Sempre que Galiza sofre unha desgraza o PP saca
tallada, pasou co Prestige e agora descóbrese que pasou
tamén na crise das vacas tolas”.
Quintana
criticou esta actitude do Partido Popular e instou a Fraga a
“restituír o diñeiro pagado a esta empresa”
porque non é suficiente limitarse a anunciar que non se
volverán contratar os seus servizos, salientou en
declaracións aos xornalistas ao inicio dun acto en Vigo no
que se presentaron as propostas nacionalistas para a rexeneración
democrática do País.
O portavoz nacional do
BNG e
candidato á presidencia da Xunta, Anxo Quintana, salientou
que a rexeneración democrática é un pear
básico do cambio galego e comprometeuse a que “o
executivo estea ao servizo do lexislativo”. Para iso “é
necesario que o presidente da Xunta compareza en todas as sesións
de control do parlamento para someterse ás súas
preguntas”.
Quitana fixo público este
compromiso nun acto celebrado en Vigo, no que presentou as
popostas do BNG para contribuír á rexeneración
democrática da política galega. “Hai que
rematar co tempo de que dar explicacións na cámara é
considerado como un favor aos cidadáns, ao contrario, é
unha obriga democrática á que me comprometo”.
O
candidato nacionalista salientou a necesidade de realizar debates
nos meios de comunicación públicos e, neste sentido,
anunciou que o futuro goberno que aspira a presidir establecerá
un mínimo de dous debates, ao inicio e final de cada
período de sesións; igualmente, levará a
normalidade democrática á celebración dun
debate entre candidatos en período eleitoral.
NOVO
MODELO DE CRTVG
O
líder nacionalista explicou que o BNG está a prol de
propiciar un novo modelo de medios públicos de
comunicación, recollendo a iniciativa popular a este
respeito, e co obxectivo de que a CRTVG “deixe de ser un
medio gubernamental para pórse ao servizo da transparencia
e do pluralismo”. Quintana xa adiantou que como presidente
da Xunta renunciará á prerrogativa de nomear ao
director da CRTVG e que trasladará esa potestade ao
parlamento para que sexa designado por consenso.
Voltar
a novas
Ver
anteriores