|
Publicidade
Contacto
Novas
Opinión
Arquivo
Ligazóns
Anteriores
|
*Quintana:
“o BNG liderou a oposición ao longo destes anos e
agora estamos preparados para liderar o novo goberno”
Redacción,
21 de maio
2005.
“Teño
a ilusión de contribuír á transformación
positiva do Estado español dende a Presidencia da Xunta”
O
portavoz nacional do BNG
e candidato á Presidencia da Xunta, Anxo
Quintana, salientou, durante a entrevista no programa Los
Desayunos de TVE, que o BNG “liderou a oposición
ao longo destes anos é agora está preparado para
liderar o novo Goberno que saía do 19 de xuño”.
O
líder nacionalista asegurou que chegou o momento “de
deixar atrás o clientelismo” que caracterizou a etapa
de Goberno de Fraga para ser substituído “pola
transparencia, a claridade na xestión e unhas
institucións ao servizo dos cidadáns”. O
candidato do BNG salientou que “estamos ante unhas eleccións
galegas”, algo que non parecen entender nin o PP, “cun
candidato enmascarado, que se agocha tras o telón”,
nin o PSOE. “Non podemos permitir que Galiza sexa convertida
nun escenario no que PP e PSOE midan quen está máis
perto de d’A Moncloa”.
En relación ao
debate territorial, Quintana amosa a súa disposición
e “ilusión de contribuír á
transformación positiva do Estado español dende a
Presidencia da Xunta”, tras salientar que o BNG “non é
independentista” e que pretende que Galiza “teña
o poder político que lle corresponde como nación”
pero dentro dun Estado plurinacional
Neste sentido,
criticou a cultura política antinacionalista promovida
durante os oito anos de Goberno de Aznar, “que
desgrazadamente foi compartida en algún momento polo PSOE”,
e que agora obriga a un labor pedagóxico que parte da
concepción das cuestións nacionais “non como
un problema senón como unha oportunidade”.
Quintana
cualificou ao PP de “forza política inútil”
para Galiza, porque non é capaz de dialogar para chegar a
acordos en beneficio do país como quedou demostrado no
recente debate no Congreso. É o momento, asegurou, “da
cordura e da sensatez” e de abandonar a propaganda da que
“os galegos están cansos”.
Voltar
a novas
Ver
anteriores
|
|