|
Publicidade
Contacto
Novas
Opinión
Arquivo
Ligazóns
Anteriores
|
*Aymerich
afirma que a “deriva estremista” de Rajoy abochorna a
moitos dos votantes do PP e advírtelle que a maioría
dos galegos queren outro papel para Galiza no Estado
Redacción,
21 de maio
2005.
O candidato nº 3 pola provincia de A Coruña,
Carlos Aymerich, considera que a “deriva estremista”
de Rajoy está a abochornar mesmo a moitos dos votantes do
PP e explicou que o problema non é que estea en perigo a
unidade de España –“que só está
en perigo na mente dos señores Rajoy, Acebes e Fraga”-
senón a pervivencia de Galiza como pobo diferenciado e a
defensa do benestar dos seus cidadáns.
Aymerich
advertiu ao presidente do PP que a maioría dos galegos
queren outro papel no Estado e que os seus níveis de
benestar sexan iguais aos do resto de España. “O
problema non é que España deixe de ser España
–dixo- o problema é que Galiza comece a ser
Galiza”.
Para o candidato nacionalista, na sociedade
galega hai xa unha “maioría tranquila pero firme”
que ten claro que o País debe xogar outro papel en Madrid,
“que está farta de ser permanentemente
ignorada”.
Neste
sentido, engadiu que se trata de que Galiza teña o mesmo
estatus que teñen Euskadi e Catalunya, “pero que se
tranquilice o señor Rajoy, porque isto non atenta contra
España, España continuará a estar onde
está”.
Voltar
a novas
Ver
anteriores
|
|