|
Publicidade
Contacto
Novas
Opinión
Arquivo
Ligazóns
Anteriores
|
*O
BNG presenta un programa para gobernar un país novo
que leve a Galiza dende a preautonomía de Fraga ao
autogoberno
Redacción,
21 de maio
2005.
Emprego,
vivenda e benestar social, prioridades do programa que Quintana
asume como “un contrato coa cidadanía”, para
afrontar un cambio galego baseado na rexeneración
democrática, na redistribución de oportunidades e
que traia respecto por Galiza
O
Bloque
Nacionalista Galego presenta un programa electoral concibido
como “un contrato coa cidadanía” para gobernar
“un país novo” que saque a Galiza do “pasado
preautonómico” no que a mantivo 15 anos de Executivo
de Fraga e a conduza cara “un auténtico
autogoberno”.
“A
Xunta en mans do PP é unha institución de
representación, opereta e propaganda, porque con Manuel
Fraga regresou ao pasado, retornou a preautonomía. O
programa do BNG significa o fin da preautonomía e o inicio
dun auténtico autogoberno para un país novo”,
proclamou o candidato nacionalista á Presidencia da Xunta,
Anxo Quintana, durante a presentación do programa electoral
co que recabar o apoio de todos os galegos e galegas na cita do 19
de xuño.
O programa foi presentado como “un
contrato coa cidadanía” que recolle compromisos
cuantificábeis e comprobábeis polos electores, que
ten os seus principais eixos de actuación na criazón
de emprego, vivenda, e benestar social, e incrementar o
autogoberno através dun novo Estatuto de nación para
Galiza cun texto articulado que trasladará ao
Parlamento.
“Galiza non
quer o país das marabillas propagandísticas de
Fraga, quer unha acción de Goberno comprometida cun país
novo, que o faga avanzar en benestar e solicitamos o apoio para
sacalo adiante”, salientou Quintana, quen asume o compromiso
de render contas ante a cidadanía dentro de catro anos
sobre o grao de cumprimento do programa que presenta o BNG.
Os
tres sinais do cambio galego
Quintana explicou o que
significa o cambio galego que propugna o BNG: respecto por Galiza,
rexeneración democrática e redistribución de
oportunidades, en catro eixos, entre o Estado e Galiza, “para
que deixe de ser invisíbel na política do Estado”;
entre o home e a muller, predicando co exemplo con listas
paritarias e en cremalleira, “as primeiras da historia”;
entre mozos e vellos, “apostando polos innovadores e cunha
rede de benestar para a terceira idade”; e entre o interior
e a costa, “para ter un país equilibrado”.
Propostas
programáticas
O BNG, explicou o número 3
por A Coruña, Carlos Aymerich, considera que “nada
hai mellor investido” que os recursos adicados á
sanidade, educación, e benestar social. Neste sentido, o
programa nacionalista recolle investir o equivalente ao 6% do PIB
en ensino non universitario “para acadar a media europea”,
e o 1,2% para ensino universitario ao final da Lexislatura. “Un
esforzo importante”, explica Aymerich, ao que se suma a
creación de 10.000 novas bolsas e novas prazas de
residencias equivalente ao 10% da poboación
estudiantil.
En ensino infantil, o BNG propón a
obrigatoriedade para os nenos entre 3-6 anos, “facilitando
prazas públicas”, e a creación de 20.000
prazas para atender aos nenos entre 0-3 anos. Canto á
terceira idade, o programa recolle a teleasistencia para os
maiores de 70 anos, e 10.000 prazas en xeriátricos, así
como a posta en marcha de centros de día.
Emprego
e vivenda
O programa nacionalista quer asegurar que os
galegos e as galegas ven satisfeito “o seu dereito a unha
vivenda digna”, polo que contempla a criazón de
20.000 vivendas de protección oficial de obra nova e
rehabilitación, na que teñan prioridade a xente moza
e os que acceden á primeira vivenda.
Crear emprego
de calidade é outra das prioridades prevista no programa
nacionalista, polo que investirá anualmente en políticas
activas de emprego o equivalente ao 1% do PIB, co obxectivo de
propiciar a criazón de 50.000 postos de traballo de
calidade con prioridade para os colectivos máis afectados
pola precariedade laboral: mozos e mulleres.
3OO
colectivos consultados
O
programa nacionalista é -en palabras da número dous
por A Coruña, Ánxela Bugallo- “o máis
participativo” de cantos se teñen realizados, con
máis de 300 xuntanzas con diferentes colectivos e centos de
persoas consultadas a título individual.
Voltar
a novas
Ver
anteriores
|
|