*Convocado para mañá día 21 un paro xeral na Universidade Galega

Redacción 20 de decembro 2005 Os Comités Abertos de Escola e Faculdade (CAF) anunciaron onte en rolda de imprensa a convocatoria dun Paro Xeral na Universidade Galega para o mércores 21 de decembro a partir das 12:00 h e a realización de mobilizacións nas sete grandes cidades.

Os Comites Abertos de Faculdade valoran moi negativamente a situación que se dá entre o estudantado galego por complicarse cada vez máis as condicións para poder estudar na Universidade Galega, e é por iso polo que comezaron a campaña nacional “ queremos estudar con dignidade”.

Considera que hai tres eixos fundamentais sobre os cais se deberían de tomar medidas por parte da Consellería de Educación:

TAXAS:
- Conxelación do prezo das taxas de matrícula para o curso que vén e o fraccionamento en prazos menores á metade do salario mínimo interprofesional
BOLSAS:

· A transferencia da competencia en materia de Bolsas para a Xunta de Galiza como unha das materias pendentes que o Estado ten co noso País, tendo en conta o debate competencial xerado neste último tempo. Isto posibilitaria que o cobro da bolsa por parte da ou do estudante se faga neses tres primeiros meses do curso xa que é neste periodo onde o estudante ten que facer fronte aos gastos de matrícula etc, como ocorre noutras latitudes como en Euskadi sen ter que agardar polos trámites burocráticos do Estado. Isto á súa vez permitiría que se puidese facer unha nova bolsa Galega de Axuda ao Estudo para adaptarse á situación específica do Estudantado galego.

· Tamen a transferencia da competencia en materia de bolsas posibilitaria criar a nova bolsa de axuda ao estudo, tendo en conta os seguintes aspeitos:

- Primacía de criterios economicos sobre académicos e non como ocorre a día de hoxe, xa que se é unha axuda ao estudo teríase que dar en función dos ingresos e non en función de suspender unha porcentaxe determinada de materias, xa que se podería dar o caso que suspendendo só unha materia do curso académico se sobrepasase o número de créditos para a concesión da bolsa.

- Modificación dos baremos de renda, das profisións e das implicacións do Imposto de Bens e Inmóbeis. Poderíamos asi adaptar os criterios á realidade específica galega como son a situación das parcelas en Galiza etc.

- Aumento da contía das bolsas xa que no último tempo mentres as taxas sufriron un aumento progresivo cada ano, o goberno mantivo as bolsas na súa contía.

Ademaís os CAF reinvindican unha serie de axudas ao estudo para determinados estudos aos cais o goberno se ten negado nos últimos anos:

- Para estudantes do CAP xa que é un curso de didacticas pedágoxicas que non se ofertan na carreira e que é obrigatoria no caso de se querer apresentar a unha oposición.

- Para os estudantes do MIR que rematan medicina e teñen que preparar a especialidade.

- Para os estudantes dunha 2ª carreira universitaria.

3. RESIDENCIAS:

· Os CAF reinvindican o aumento das prazas nas residencias universitarias en todos os campus até chegar a un 10% dos e das matriculados/as (residencias públicas en Ferrol e na Coruña, reapertura do Monte do Gozo.)

Os CAF ante esta situación e ante a negativa da Conselleira de Educación de recibilos optan por convocar un Paro Xeral o mércores con concentracións nas sete cidades:

Santiago de Compostela ás12:30 diante do Parlamento galego;

A Coruña ás 12:30 diante da Rotonda de Elviña;

Vigo ás12:00 diante do Centro comercial no Campus Universitario;

Pontevedra, Lugo e Ourense nas delegacións da Consellería de Educación.

RELACIONADO:
*Os CAF reivindican o dereito a “estudar con dignidade” na súa nova campaña

Voltar a novas

Ver anteriores