|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Ante
a paralización anunciada pola Xunta de Galiza, ADEGA esixe
a anulación definitiva do concurso para unha planta de
tratamento de lodos de
depuración
Redacción
20 de outubro 2005
A
Asociación ecoloxista ADEGA
remitiu un informe ao conselleiro de Medio Ambiente, con propostas
alternativas para a xestión de lodos.
Por resolución do 22 de xullo de 2005 fíxose
pública a “licitación do contrato
administrativo de concesión de obra pública para a
redación do proxecto, construción e explotación
dunha planta de secado térmico, en coxeración, de
lodos de depuración de augas residuais urbanas na
comunidade autónoma de Galiza”, sendo a entidade
axudicadora a “Empresa de Obras e Servizos Hidráulicos”,
ente público adscrito á Consellaría de Medio
Ambiente da Xunta de Galiza.
Este
concurso acordado polo goberno anterior no seu período de
interinidade implicaba grandes riscos económicos e
ambientais. A alternativa dominante de secado dos lodos é
enerxeticamente ineficiente, e polo demais non resolve os
problemas ambientais e de loxística que a xestión
dos lodos presenta. O carácter centralizado condicionaba
mui negativamente a proposta. Por todo isto, ADEGA esixe a
anulación definitiva doconcurso, e no seu lugar elaborar un
verdadeiro plano de xestión de residuos sólidos
urbanos, tipoloxía na que entran os lodos de depuración.
A
decisión do anterior goberno da Xunta, de terse levado
adiante, condicionaría a seriedade e o rigor dos
procedementos de avaliación ambiental, xa que unha
administración pública (incluso o mesmo
departamento) contrata antes unha actividade para a que a
posteriori ten que aprobar ou non a declaración de impacto
ambiental.
Aliás, a solución prevista nese
concurso non tomaba en consideración os principios de
prevención, proximidade e xestión itegrada,
recollidos na actualidade pola normativa ambiental, nomeadamente a
Lei 10/98 básica de residuos. A xestión
comarcalizada e integrada dos residuos orgánicos debe ser
un requisito básico para unha xestión
sustentábel.
Alternativas sustentábeis
A
Lei 10/98 de Residuos, xunto cos plans estatais de xestión
de RSU e de Lodos de depuración, establecen a seguinte
xerarquía priorizada nas opcións:
-
Prevención: redución na orixe
-
Reciclaxe, incluíndo a compostaxe e a
biometanización
-
Outras formas de valorización
-
Eliminación: destrución, vertido
O secado
térmico com base ao uso de combustíbeis fóseis,
incluso cando se fai en rexime de coxeración, resulta
ineficiente desde o ponto de vista do consumo de enerxía.
Considerando o grave problema ambiental derivado do intenso uso da
enerxía, tanto a nivel local como planetario (chuvia ácida,
cambio climático, contaminación química,
dependencia das enerxías fóseis...), consideramos
que ningunha tecnoloxía ou proceso que requira un uso
intensivo da enerxía pode ser calificado de sustentábel.
A
redución na orixe e a reciclaxe mediante o uso agrícola
son as prácticas sustentábeis e recomendábeis
de xestión dos lodos de depuración. A primeira
opción para a redución da xeración de
importantes cantidades de lodo consiste na elección de
alternativas de saneamento sustentábeis, baseadas no
tratamento anaerobio seguido da depuración en humidais.
Aliás, a dixestión anaerobia dos lodos xerados nas
depuradoras convencionais permite a súa redución en
peso e a súa estabilización parcial e completa
hixienización. O controle da contaminación en
orixen, evitando de forma efectiva os vertidos industriais e
outros resíduos como os aceites, e a sensibilización
da poboación, a través da educación
ambiental, constituen as medidas de prevención da
contaminación química dos lodos.
No caso dos
lodos e doutros residuos orgánicos, a reciclaxe consiste na
súa devolución aos solos como emenda orgánica,
restituindo aos campos tanto carbono orgánico como
elementos nutrientes. Esta alternativa é mui recomendábel,
pois axuda a fixar carbono nos solos, mellora diferentes
propriedades dos solos de cultivo e doutro tipo, e permite reducir
o uso de fertilizantes doutras procedencias.
Os
procesos biolóxicos de compostaxe permiten, polo demais, o
acondicionamento axeitado dos lodos de depuración con
vistas ao seu uso agro-forestal. A compostaxe aerobia constitue un
método de hixienización e estabilización
eficaz, ao tempo que o seu produto é un resíduo seco
ou case seco, que pode ser almacenado durante longos periodos de
tempo (durante o cal mellora as súas propriedades) antes do
seu emprego nos solos. As tecnoloxías de compostaxe son
asequíbeis, aplicábeis a calquera escala e
eficientes desde o ponto de vista ambiental e enerxético.
A
planificación da xestión, xunto con un mellor
coñecemento das cantidades e características dos
lodos xerados, asi como o apoio a actividades de investigación
e desenrolo nas universidades e outros centros galegos son
elementos necesarios para unha xestión sustentábel,
que non se deben esquecer.
Voltar
a novas
Ver
anteriores
|
|