|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
CIG rexeita as medidas propostas por Solbes para a reforma
Laboral
Redacción
19 de outubro 2005
Diante das propostas adiantadas polo Ministro
de Economía, Pedro Solbes de abaratamento do despedimento e
recorte das cotizacións das empresas á Seguridae
Social para contratos indefinidos, a CIG
manifesta o seu total rexeitamento. Desde a CIG enténdese
que estas propostas pretenden satisfacer as demandas que desde hai
anos vén facendo a patronal e tamén na liña
das reformas laborais que se fixeron na época do Partido
Popular, rexeitadas pola CIG, no seu momento.
Redución
das cotizacións á Seguridade Social
O
secretario xeral da CIG, Suso Seixo considera sorprendente que se
pretendan reducir as cotizacións á Seguridade Social
para os contratos indefinidos, “máis argumentando que
é un momento bo porque hai superávit na S.S,
precisamente cando por outro lado se anuncian medidas dirixidas a
reformar a o actual sistema con medidas como retrasar a idade de
xubilación ou reducir a contía das pensións
polo perigo dunha creba do sistema”. Seixo advirte ademais
do perigo de que, unha vez recortados os ingresos á caixa
da Seguridade Social pola vía de reducir as cotizacións
empresariais, “se utilice esa redución de ingresos
como argumento, precisamente para forzar a aplicación
destas medidas”.
33 días por ano
traballo
A CIG lembra que os contratos de fomento de
emprego, que recollían unha redución das
indemnizacións por despedimento de 45 días por ano a
33 días, xa foi unha medida pactada no ano 1996 por CCOO,
UGT e a patronal, teoricamente para facilitar a conversión
de contratos temporais en indefinidos e reducir a contratación
temporal. “A realidade é que desde ese ano, malia
existir ese tipo de contratos, a porcentaxe de indefinidos só
mellorou en dous puntos con respecto ao que había en 1997.
Así, constátase que non tiveron eficacia ningunha
canto a garantir un incremento real dos contratos indefinidos”,
explica o secretario Xeral da CIG.
A CIG tamén
anuncia a súa intención de dirixirse novamente ao
goberno requirindo que calquera proposta que se faga, dirixida a
modificar a actual normativa en materia de relacións
laborais se faga chegar ao sindicato nacionalista, para poder
defender os intereses dos afiliados e afiliadas.
O goberno
diríxese exclusivamente ás centrais estatais CCOO e
UGT e á CEOE-Cepyme e non deu opción a que
participaran nas mesas sindicatos como a CIG, recoñecida
como central sindical máis representativa, malia os
escritos enviados requirindo que a central fose convocada igual
que calquera outra. Neste contexto, o goberno só envía
a súa proposta de reforma laboral ás organizacións
que participan nas mesas de diálogo.
Voltar
a novas
Ver
anteriores
|
|