|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*Israel
retoma asasinatos selectivos de palestinos
Redacción,
19 de xullo 2005.
Coa morte de sete palestinos alcanzados por proxectís
israelíes, o Goberno do Estado hebreo retornou este venres
a súa práctica de asasinatos selectivos e quebrou a
tregua acordada no cúmio bilateral de febreiro pasado no
balneario exipcio de Sharm al Sheik.
Os ataques foron
perpetrados con helicópteros de combate contra presuntos
membros do movemento da Resistencia Islámica (Hamas),
segundo un informe do mando militar israelí, detalla a
axencia Prensa Latina.
Unha
das aeronaves disparou un misil contra un automóvil no sur
da cidade de Gaza e causou a morte a tres palestinos.
Outros
tres pereceron na vila de Salfit, na Franxa de Gaza, cando o seu
vehículo tamén foi alcanzado por un cohete.
Un
ocupante dese segundo automóvil que resultou gravemente
ferido, morreu pouco despois no hospital dese poboado, informou a
emisora Voz de Palestina.
A radio recordou que este tipo de
operación selectiva é empregado polas tropas
ocupantes para eliminar a líderes e activistas da
resistencia palestina.
Este venres, os israelitas tamén
bombardearon unha zona residencial ubicada entre as localidades
cisxordanas de Ramallah e Nablus.
O Exército israelí
non precisou con que obxetivo se realizou o ataque, nin tampouco
revelou o número de vítimas que puideron provocar os
impactos de tres misiles nese lugar.
Con anterioridade, a
radio informou sobre enfrentamentos entre miembros de Hamas e
policías palestinos. Dous adolescentes morreron polo fogo
cruzado e 20 personas foron feridas, delas nove eran
axentes.
Axencia
Bolivariana de Noticias
Voltar
a novas
Ver
anteriores
|
|