|
Publicidade
Contacto
Novas
Internacional
Anteriores
Opinión
ForoNOVO!!!
Arquivo
Ligazóns
|
*Estados
Unidos é incapaz de neutralizar a resistencia en
Faluja
Redacción,
19 de xullo 2005.
Oito meses despois do asalto do exército estadounidense a
Faluja, a ciudade iraquí mantense como un bastión da
resistencia, afirmou na súa edición do 16 de xullo o
diario The New York Times.
Esa localidade debería
ser a máis segura de Iraq porque foi transformada nunha
zona militar tras o último inverno, pero a realidade é
outra, subliña o periódico.
A
publicación resalta un rebrote da insurxencia nesa cidade,
pese á presencia de miles de soldados norteamericanos e
iraquíes, os toques de queda e reténs
militares.
Polo menos catro coches explotaron nas últimas
semanas en Faluja, un dos cais causou a morte a seis militares do
Pentágono, agrega.
The New York Times sinala que,
como consecuencia das accións dos grupos armados
opositores, dous das cinco estacións de policía
foron destruidas.
Ademáis tres membros do consello
da cidade renunciaron aos seus cargos e outro deixou de asistir ás
reunións por temor a ser obxeto dun atentado.
Aínda
que algúns habitantes da localidade criticaron as accións
dos rebeldes, agora apoianas.
Moitos en Faluja querían
a saida dos insurxentes, pero tras a humillación das forzas
estadounidenses mostranse na actualidade a favor da insurxencia,
comentou Abdul Jabbar Kadhim al Alwani, dono dunha tenda de
reparación de coches.
Citada polo rotativo, unha
fonte oficial norteamericana admitiu que os activistas que
combaten á ocupación están reagrupándose
nesa cidade.
Mentres máis persoas regresan a Faluja,
a probabilidade de aumentos da infiltración da resistencia
será maior, agregou.
Con 300.000 habitantes antes do
asalto norteamericano, a cidade representou a resistencia ao poder
de Washington non só en Iraq senon no Medio Oriente, apunta
o diario.
Ante os continuos ataques contra as forzas de
ocupación, o Pentágono lanzou contra Faluja unha
operación militar de envergadura en novembro de 2004, que
destruiu gran parte da chamada Cidade das Mil Mezquitas.
Para
o diario, esa incursión foi a máis violenta na que
participou o exército estadounidense desde a Guerra de
Vietnam.
Argenpress
Voltar
a novas
Ver
anteriores
|
|