|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*En
resposta a unha pregunta do BNG, o goberno non garante o futuro da
Fábrica de Armas da Coruña a partir do
2006
Redacción
19 de xaneiro 2006
Francisco
Rodríguez denuncia que General Dynamics “está
preparando o terreo para pechar Santa Bárbara” e
lembra que os terreos son propiedade do Ministerio de Defensa.
O
Goberno español non garante o futuro da Fábrica de
Armas da Coruña máis aló de Xullo de 2006,
data na que remata a vixencia dos compromisos do Plan Industrial
suscrito en 2001 pola multinacional
armamentística estadounidense General Dynamics, cando
adquiriu a Empresa Nacional Santa Bárbara á
Sociedade Estatal de Participacións Industriais
(SEPI).
Así
consta na resposta do Executivo Central a unha pregunta do
portavoz do BNG no Congreso dos Deputados, Francisco Rodríguez,
na que alertaba do “futuro incerto” da Fábrica
de Armas da Coruña máis aló do 2006, cando
expiran as obrigas de mantemento de plantilla, carga de traballo,
transferencia de tecnoloxía...etc asumidas por General
Dynamics no proceso de privatización.
Na
súa interpelación, o parlamentario do BNG
demandáballe á SEPI e ao Ministerio de Industria se
pretendían executar a cláusula penal incluída
no contrato de compra-venda en garantía desas obrigas; se
se pensaba prorrogar esas obrigas máis aló do 2006;
así como cales son as perspectivas de carga de traballo e
diversificación da produción para a fábrica
de armas da Coruña.
Porén, na súa
resposta o Goberno limítase a afirmar que “a
responsabilidade da SEPI céntrase no seguimento dos
compromisos do comprador, actuación que rematará en
Xullo de 2006”, sen garantir a partir desa data o futuro da
empresa.
Ademáis, engade que “unha vez
producida a súa privatización, Santa Bárbara
Sistemas -o novo nome da empresa trala venda a General Dynamics-
desfruta das mesmas condicións que calquera outra empresa
privada á hora de concorrer ás diferentes
licitacións públicas”.
Por último,
o Executivo Central tampouco concreta as perspectivas de novos
contratos e perspectivas de diversificación da produción
para a Fábrica de Armas da Coruña e só se
compromete a que “todos os programas de armamento, munición
e material militar, e as súas actividades complementarias
encomendadas a Santa Bárbara Sistemas, actualmente en
curso, continuarán realizándose (...) até a
súa finalización”.
PECHE DA
FACTORÍA
O deputado do BNG lembra que neste
momento a carga de traballo da factoría de Santa Bárbara
da Coruña redúcese aos 5.000 fusís HK que
quedan por montar do pedido realizado polo Exército español
e que para o presente 2006 “a dirección da fábrica
xa fixo saber ao Comité de Empresa que a ocupación
dificilmente superará o 30 por cento”.
Deste
xeito, para Francisco Rodríguez “todo indica que
General Dynamics está preparando o terreo para pechar a
fábrica de armas da Coruña, impedindo a chegada de
nova carga de traballo e a diversificación da produción,
quizás en connivencia cun Ministerio de Defensa que, como
propietario dos terreos nos que se asenta a fábrica, espera
que venza o prazo de reversión”.
A Fábrica
de Armas da Coruña proporciona emprego directo a 219
persoas e xera un volume de traballo inducido doutros 200
operarios.
Voltar
a novas
Ver
anteriores
|
|