Publicidade
Contacto
Novas
Internacional
Anteriores
Opinión
Foro
Arquivo
Ligazóns
*Mineiros
e campesiños escoltarán a novo presidente
boliviano
Redacción
19 de xaneiro 2006
“Columnas” de mineiros e
campesiños flanquearán a victoriosa camiñada
que o novo presidente de Bolivia, Evo Morales, fará polas
rúas paceñas, tras asumir o cargo, anunciaron os
organizadores de toma de posesión.
O
coordenador da Comisión de Protocolo para a transmisión
do mando, Grover Cardozo, dixo a Prensa Latina que, a pedido de
Morales, eses traballadores formarán a primeira liña
de seguridade do paseo triunfal.
Queremos
expresar que quen levaron á Presidencia a Evo Morales,
serán quen respaldán, defenderán e protexerán
ao seu Goberno, explicou o representante do Movemento ao
Socialismo (MAS).
Tralas dúas
filas de mineiros, cos seus tradicionais cascos, e campesiños,
vestidos ao xeito indíxena, ubicaranse as Forzas Armadas e
a Policía, encargadas oficialmente da seguridade do
mandatario, explicou Cardozo.
O Presidente eleito avanzará
a pé entre esas “columnas” aproximadamente un
quilómetro o próximo día 22, pola antiga rúa
Comercio, unha ruta peonil, até a Praza dos Heroes, usual
escenario de manifestacións populares.
Nese espazo,
onde Morales iniciou a súa campaña eleitoral, o
líder boliviano ratificará, ante unha concentración
-que se prevé xigantesca- o compromiso de gobernar para o
seu pobo, nunha especie de terceira toma de
posesión.
Previamente, asumiría a Presidencia
ante o Congreso e, un día antes, recibido os símbolos
de mando indíxenas nunha cerimonia a realizarse en Tiwanaku
(Tiahuanaco), entre as construcións precolombinas de pedra
dese sitio arqueolóxico.
Campesiños aymaras
darán tamén seguridade a Morales en Tiwanaku,
indicou Cardozo, quen por outra banda negou que a policía
suxeriu ao Presidente eleito que use chaleco antibalas durante os
actos de transmisión do mando.
Namentres, o
vicepresidente eleito, Álvaro García Linera, afirmou
que a nova relación e eventuais acordos co Fondo Monetario
Internacional (FMI) someteranse á soberanía e a
dignidade nacionais, sobre todas as cousas.
Ratificou
igualmente que, para o MAS e Morales, é prioritario
cambiar, aínda que non de inmediato, o modelo económico
neoliberal -cuxa vixencia en Bolivia supervisa o FMI desde 1985-,
porque só causou pobreza e sufrimento ao pobo boliviano.
Fonte:
Visiones
Alternativas.
Voltar
a ArroutadaInternacional
Ir
a Novas
Ver
anteriores