|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*A
galega TLR, requerida para a normalización mundial de
tódolos artigos do mercado
Redacción
18 de xaneiro 2006
A día de hoxe non existe unha única maneira de
identificar os produtos que atopamos nos mercados mundiais. Esta
circunstancia é a que está a levar á
organización creadura do código de barras, EAN
Internacional, a crear un foro de traballo para avanzar neste
eido. Para este cometido contarán con grandes empresas coma
Carrefour ou Wal-Mart,
mais tamén coa galega TLR,
que participará con voz e voto nas reunións.
A
empresa TLR é a única de todo o Estado español
que foi requerida por EAN para participar nas sesións de
traballo, que xa deron comezo en Viena e San Francisco. A pregunta
que se poden facer as persoas que vexan esta situación
dende fóra é a seguinte: por que TLR? A resposta
está, probablemente, na experiencia da firma TLR
desenvolvendo sistemas de conectividade intelixente de datos, cos
que se automatizan os procesos de xestión das empresas,
procesos que obrigan a grandes investimentos de esforzos e tempo.
É dicir: a experiencia de TLR normalizando produtos en
sectores tradicionais como o da ferretería ou o da
construción é a antesala, a menor escala, do que EAN
quere universalizar con este proxecto, coñecido como GPC.
Este, volvendo de novo ás cuestións que abrían
este artigo, consiste en establecer un mesmo código para
todos e cada un dos elementos do mercado que poden ser obxecto de
transacción; trátase polo tanto dunha
estandarización universal que é chave para que no
futuro se poidan automatizar os intercambios de datos entre
fabricantes, provedores e usuarios. Deste xeito, é
problable que demos no cravo se chegamos á conclusión
de que se trata da iniciativa máis ambiciosa (no seu eido)
dende a posta en marcha do código de barras.
Fonte:
Codigo
Cero.
Voltar
a ArroutadaInternacional
Ir
a Novas
Ver
anteriores
|
|