|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*Jorquera
pídelle a Touriño que “represente ao goberno
no seu conxunto” e que non caia na tentación de
“actuar máis como secretario xeral do seu partido que
como presidente”
Redacción
17 de febreiro
2006
“A débeda
histórica é un asunto entre dous, Galiza e o Estado,
e son Galiza e o Estado os que se deben pór de acordo nos
termos e nos prazos en que debe ser satisfeita”.
“A
sociedade galega non entendería que Catalunya e Euskadi
conseguisen un mellor financiamento nun diálogo bilateral
co Estado e que Galiza se inhibise de facer o proprio”.
O
coordenador executivo do BNG, Francisco Jorquera, demanda ao
presidente da Xunta de Galiza, Emilio Pérez Touriño,
que represente nos seus posicionamentos públicos “ao
Goberno no seu conxunto” e que, consecuentemente, se absteña
de “actuar máis como secretario xeral do seu partido
que como presidente dun Goberno Bipartito que está
sustentado por dúas forzas políticas distintas que
teñen pactado un programa común”.
“Os
posicionamentos públicos do presidente do Goberno deben ser
produto do diálogo e do acordo entre as dúas forzas
políticas que constitúen o Executivo. Non poden ser
posicionamentos de parte. O presidente debe falar polo Goberno no
seu conxunto e, en todo caso, o marco no que se debe mover é
o respecto ao Programa Contrato que asinamos no seu día o
PSdeG e o BNG e en virtude do cal se formalizou a actual maioría
parlamentar que dá suporte ao Executivo”, acrecenta
Jorquera.
Através deste comunicado de imprensa, o
dirixente nacionalista quer deixar claro que a sociedade galega
“non entendería que Euskadi e Catalunya teñan
negociado o seu proprio sistema de financiamento e Galiza se
inhiba de facer o proprio”.
”Se Catalunya acaba
de negociar un novo marco que garante a súa suficiencia
financeira, e o acaba de facer nun diálogo bilateral co
Estado, como lle imos negar ese mesmo dereito a Galiza?”,
pergúntase Jorquera. “Por que o que se aceita con
tanta naturalidade para Catalunya e Euskadi se lle nega tan
teimudamente ao noso país?”, inquire o coordenador
executivo do BNG.
O Bloque Nacionalista Galego, acrecenta
Jorquera, considera vital que no Novo Estatuto de Galiza se inclúa
un sistema de financiamento axeitado ás necesidades do país
e que garanta a plena “autonomía fiscal e financeira”
da nosa nación. “Debemos, no marco dunha negociación
bilateral, conseguir un sistema de financiamento que teña
en conta criterios como o avellantamento da populación, a
dispersión do noso hábitat, a necesidade de atender
aos galegos que están na emigración ou o feito de
que as condición orográficas encarecen as obras de
infraestruturas en Galiza”, alega.
DEBATE
FALSO
Para Jorquera, constitúe un debate falso
contrapor a “necesaria negociación bilateral”
coa participación no Consello de Política Fiscal e
Financeira. “Claro que temos que convir cousas en común
as distintas comunidades autónomas en diálogo
multilateral co Estado, mais iso non impide que o Goberno Galego
fale co Goberno do Estado de ti a ti sobre asuntos como a débeda
histórica que, por definición, só afectan a
dúas partes, a Galiza e ao Estado”.
A xuízo
do coordenador executivo, a Débeda Histórica,
cifrada polo BNG en 21.000 millóns de euros, é un
asunto que non atopa no Consello de Política Fiscal e
Financeira o foro natural para a súa resolución. “A
Débeda Histórica galega afecta a Galiza e ao Estado
e son o Estado e Galiza os que deben pórse de acordo nos
termos e nos prazos en que debe ser satisfeita”,
afirma.
Voltar
a novas
Ver
anteriores
|
|