Novas

*EXILIOS, o filme de Xan Leira, abre a sesión competitiva da Primeira edición do Festival Europeo de Cine e TV “Memorimage” de Reus


Redacción 16 de novembro de 2006 Mañá, venres 17 de novembro, a película EXILIOS retoma a súa andaina en Mostras e Festivais de cinema. Esta vez é no marco da primeira edición do Festival Europeo de Cine e TV “Memorimage””, especializado na exhibición de películas actuais que conteñan filmacións antigas ou de arquivo.

Esta nova presentación de EXILIOS ven a confirmar a boa acollida do filme en públicos, críticos e programadores de televisións. As vendas de dereitos para TVE e as negociacións coa Televisión de Galicia consolidan a estratexia de divulgación de EXILIOS para chegar á estrea en salas de cinema para a próxima primavera.

“EXILIOS, como espello da vida de Lorenzo Varela, constitúe un discurso de resistencia, dignidade e loita que medra co tempo. O filme foi rematado de agora nun ano e son numerosas as invitacións que teño para presentar a película en foros culturais ou universitarios fora de Galicia”, sinala o Director do filme Xan Leira.

Voltar a novas

Ver anteriores