|
Publicidade
Contacto
Novas
Internacional
Anteriores
Opinión
Foro
Arquivo
Ligazóns
|
*ADEGA
reivindica estar presente na “Comisión
Eólica”
Redacción
16 de novembro 2005
En relación á nota de Prensa
emitida pola Consellería de Meio Ambiente anunciando a
constitución dunha comisión co sector eólico
para “establecer conxuntamente as directrices de carácter
meioambiental que deben de primar á hora de crear unha nova
infraestructura eólica”, a Asociación para
a Defensa Ecolóxica de Galiza (ADEGA)
celebra con esperanza que se esté a traballar na
implantación de criterios ecolóxicos, -ata dagora
totalmente ausentes das declaracións de impacto ambiental-,
para a instalación de parques eólicos.
Pero,
ao mesmo tempo, non pode deixar, con tal motivo, de reivindicar o
seguinte:
-primeiro:
que, -habida
conta de que, polo dagora, non tén habido limitación
ambiental algunha para a instalación de parques eólicos,
co resultado
de que prácticamente toda a nosa Rede Natura está xa
afectada pola instalación de centos de muiños
eólicos, pistas, gabeas e tendidos eléctricos en
todas direccións-, a implantación destas
directrices meioambientais tén que empezar por decretar
a exclusión da Rede Natura do Plan Sectorial Eólico
e por solicitar e defender ante a Consellería de Industria
a paralización de toda infraesctructura eólica que
afecte á Rede Natura e espacios protexidos. Esta
exclusión e paralización debe de afectar xa aos
parques eólicos previstos para a Serra do Suído,
toda vez que, -tal como tén anunciado a Consellería
de Meio Ambiente-, se está tramitando a súa
inclusión na Rede Natura.
-segundo: que,
habida conta de que nesa anunciada comisión se van a
“establecer conxuntamente as directrices de carácter
meioambiental que deben de primar á hora de crear unha
nova infraestructura eólica”, non entendemos que
tais directrices se podan establecer sen contar coas asociacións
ecoloxistas. Neste sentido, xa reclamamos da Consellería de
Meio Ambiente a nosa participación en dita “comisión
eólica”: ese cambio que nos teñen prometido
dende a campaña electoral tén que chegar tamén
á área ambiental convertindo á Rede Natura,
sexa de montaña ou de litoral, en algo máis que
publicidade para engordar as páxinas do DOG cando non en
solo barato para especulación de promotores eólicos,
de canteiras ou de plantas de acuicultura.
Voltar
a novas
Ver
anteriores
|
|